„საერთაშორისო გამჭვირვალობა - საქართველოს“ აღმასრულებელი დირექტორის, ეკა გიგაურის განცხადებით, ევროკავშირის სამეზობლო და გაფართოების საკითხებზე მოლაპარაკებების გენერალურ დირექტორთან, გერტ იან კოპმანისთან შეხვედრაზე ისაუბრეს, იმ პროცესებზე, რომელიც საქართველოში მიმდინარეობს.

როგორც გიგაურმა შეხვედრის დასრულების შემდეგ ჟურნალისტებს განუცხადა, ევროპა ქართველი ხალხის გვერდით დგას.

„ჩვენ ვისაუბრეთ იმ პროცესებზე, რაც ჩვენს ქვეყანაში მიმდინარეობს. რა თქმა უნდა, საუბარი იყო აქციის დარბევაზეც და ჩვენი ჩვენი შეფასება გავაკეთეთ. ასევე, საუბარი შეეხო იმასაც, თუ რას ვფიქრობთ მთავრობის საგარეო პოლიტიკასთან დაკავშირებით. რა თქმა უნდა, ჩვენი მოსაზრებაც გავაცანით, რომ მთავრობას აქვს გადაწყვეტილი, რომ საქართველო რუსეთის მიმართულებით წაიყვანონ და ევროპას უარი უთხრან. ბევრი საკითხი განვიხილეთ, მათ შორის, როგორ გავლენას მოახდენს კონკრეტულად, ეს „რუსული კანონი“ სხვადასხვა კრიტიკულ ჯგუფებზე. მთავარი უნდა ვიცოდეთ, რომ ევროპა ქართველი ხალხის გვერდით დგას. ეს არის ყველაზე მთავარი. ევროპა ხედავს რა ბრძოლაში არის ქართველი ხალხი და რა თქმა უნდა, ამას მიესალმება“, - განაცხადა გიგაურმა.