კახა კალაძე - ბევრი გაბრაზებული მოქალაქე ვიხილეთ, რომელიც გადაადგილებას ცდილობდა, მოვისმინე, რომ სიმსივნით დაავადებული ადამიანი წამლის გასაკეთებლად მიდიოდა და არ უშვებდნენ, მესმის მათი, თუმცა უნდა ვეცადოთ, რომ თავი შევიკავოთ და აქციები მშვიდობიანად ჩატარდეს

[გზების გადაკეტვის გამო] ძალიან ბევრი ადამიანია გაბრაზებული, თუმცა უნდა ვეცადოთ თავი შევიკავოთ და აქციები მშვიდობიანად ჩატარდეს, - ამის შესახებ თბილისის მერმა კახა კალაძემ განაცხადა, რომელიც გუშინ გამართულ საპროტესტო აქციას გამოეხმაურა.

მისი შეფასებით, სიტყვის და გამოხატვის თავისუფლება კანონის ფარგლებში უნდა გამოიხატოს და თუ პროტესტი კანონის ფარგლებს გასცდება, სახელმწიფოს შესაბამისი რეაგირება ექნება.

„ძალიან ბევრი ადამიანია გაბრაზებული, თუმცა სიტყვის და გამოხატვის თავისუფლება, რა თქმა უნდა, დაცულია ქვეყანაში. ყველას აქვს უფლება კანონის ფარგლებში იმოქმედოს, როგორც კი ადამიანი გასცდება კანონის ფარგლებს, სახელმწიფოს მხრიდან შესაბამისი რეაგირება იქნება. ძალიან ბევრი ფაქტი ვიხილეთ გაბრაზებული მოსახლეობის, რომლებიც გადაადგილებას ცდილობდნენ, ცხადია, ადამიანებს რაღაც პრობლემები და საჭიროებები აქვთ. როდესაც სადღაც ბავშვი მიგყავს, გეჩქარება, ასევე, მოვისმინე, რომ ერთი სიმსივნით დაავადებული ადამიანი წამლის გასაკეთებლად მიდიოდა, არ უშვებდნენ - მძიმეა ეს ყველაფერი, რა თქმა უნდა და მესმის იმ მოქალაქეების პროტესტი, რომლებიც ამ ყველაფერთან დაკავშირებით უკმაყოფილებას გამოხატავენ, თუმცა ყველამ უნდა ვეცადოთ, რომ თავშეკავებულები ვიყოთ და აქციები მშვიდობიანად ჩატარდეს. არანაირი ძალადობა, არასდროს, მისაღები არ არის, არც ფიზიკური და არც ფსიქოლოგიური. ძალიან ბევრი ფაქტი იყო დაპირისპირების. აქციები შეუძლიათ გააგრძელონ, ოღონდ ეს ყველაფერი მოსახლეობის უკმაყოფილებას იწვევს. შეუძლიათ გადაკეტონ გზები, ეს მათი უფლებაა, ოღონდ კანონის ფარგლებში. როცა ადამიანების ცოტა რაოდენობაა და სპეციალურად კეტავ გზას, ამას ჩვენი მხრიდან, რა თქმა უნდა, რეაგირება მოჰყვება", - განაცხადა კახა კალაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)