საქართველოს ეროვნული ბანკის პრეზიდენტის მოვალეობის შემსრულებელი ნათია თურნავა საერთაშორისო სავალუტო ფონდის ალტერნატიულ აღმასრულებელ დირექტორს, ლუკ დრესსეს შეხვდა.

საქართველოს ეროვნული ბანკის ინფორმაციით, სსფ-ის ალტერნატიული აღმასრულებელი დირექტორი საქართველოში აზიის განვითარების ბანკის წლიური შეხვედრების ფარგლებში იმყოფება.

„შეხვედრაზე მხარეებმა საქართველოს მაკროეკონომიკური გარემოს, ეკონომიკური ზრდის ფაქტორების, ფინანსური ბაზრების განვითარებისა და ფასების სტაბილურობის შენარჩუნების თაობაზე ისაუბრეს. ასევე შეაფასეს არსებული გეოპოლიტიკური რისკები და მათთან დაკავშირებული გამოწვევები”- ნათქვამია გავრცელებულ ინფორმაციაში.