რუსეთმა სუმის ოლქის ენერგეტიკული ინფრასტრუქტურის ობიექტებზე საჰაერო დარტყმა განახორციელა, - ამის შესახებ სუმის საოლქო-სამხედრო ადმინისტრაცია იუწყება.

სუმის საოლქო-სამხედრო ადმინისტრაციის ხელმძღვანელი, ალექსეი დროზდენკო „ტელეგრამში“ წერს, რომ დრონებით მასიური თავდასხმის გამო, სუმის კრიტიკული ინფრასტრუქტურის ობიექტები სარეზერვო წყაროებზე გადაერთვენ.

მედიის ინფორმაციითმ ელექტროენერგიასთან დაკავშირებული პრობლემები წარმოიშვა არა მხოლოდ სუმიში, არამედ ლებედინში, ბელოპოლიესა და ახტირკაშიც.