აშშ-ის პრეზიდენტმა, ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან სატელეფონო საუბრისას რაფაჰში ოპერაციის შესახებ თავისი პოზიცია კიდევ ერთხელ გაიმეორა, - ამის შესახებ ინფორმაციას თეთრი სახლი ავრცელებს.

თეთრი სახლი აცხადებს, რომ ისრაელის პრემიერ-მინისტრი, ბენიამინ ნეთანიაჰუ აშშ-ის პრეზიდენტთან საუბრისას კერემ შალომის გადასასვლელის თავიდან გახსნას დათანხმდა.

ასევე, სატელეფონო საუბრისას, ჯო ბაიდენმა ბენიამინ ნეთანიაჰუს მძევლების გათავისუფლების შეთანხმების მიღწევის ბოლოდროინდელი მცდელობების შესახებ აცნობა და რაფაჰში სამხედრო ოპერაციასთან დაკავშირებით თავისი პოზიცია კიდევ ერთხელ გაუმეორა.

შეგახსენებთ, ისრაელმა კერემ შალომის გადასასვლელი მას შემდეგ დახურა, რაც გუშინ, გამშვებ პუნქტთან ახლოს მდებარე ისრაელის სამხედრო ბაზაზე „ჰამასის“ სარაკეტო თავდასხმის შედეგად ოთხი ჯარისკაცი დაიღუპა.