ლაშა ფარულავა - მოვიტანეთ ფოტო-ვიდეო მტკიცებულებები, სადაც ნაჩვენებია როგორ იძალადეს ლევან ხაბეიშვილზე, ჩამოთვლილი გვყავს კონკრეტული ადამიანები - ვითხოვთ, სასწრაფოდ დაიწყოს გამოძიება და ყველა პირი დაისაჯოს

მოვიტანეთ ფოტო-ვიდეო მტკიცებულებები, სადაც ნაჩვენებია თუ როგორ იძალადეს ლევან ხაბეიშვილზე, ჩამოთვლილი გვყავს კონკრეტული ადამიანები, რომლებიც უშუალოდ ახორციელებდნენ ივანიშვილის დავალებას, ეს არის "ხარება", გოგა მემანიშვილი და ყველა ის "რობოკოპი", რომლის სანომრე ნიშანი, მათ შორის რამდენიმე სიუჟეტში არის ასახული, ამიტომ ჩვენ ვითხოვთ სასწრაფოდ დაიწყოს გამოძიება და ყველა პირი დაისაჯოს, - ამის შესახებ „ერთიანი ნაციონალური მოძრობის“ პოლიტსაბჭოს წევრმა, ლაშა ფარულავამ გენერალურ პროკურატურასთან პარტიის იურისტ, ლაშა ტყეშელაძესთან ერთად გამართულ ბრიფინგზე განაცხადა.

მისივე განცხადებით, „ლევან ხაბეიშვილზე თავდასხმა არ არის მხოლოდ სასტიკი ძალადობა, არამედ პოლიტიკური და ფიზიკური ანგარიშსწორება ყველა იმ ოპოზიციონერზე, პროდასავლურ ლიდერზე, რომლებიც წლების განმავლობაში ვერ გატეხა ივანიშვილის რეჟიმმა“.

„მეშვიდე დღე დაიწყო და გამოძიება არ დაწყებულა, როცა მათი პირდაპირი ვალდებულებაა დაწყებულიყო გამოძიება ლევან ხაბეიშვილის თავდასხმის ეპიზოდზე და მათ შორის, ყველა იმ ახალგაზრდის ცემაზე, რომელიც მოდის ივანიშვილის რეჟიმისგან. ამიტომ, ჩვენ ვითხოვთ, დაიწყოს გამოძიება ყველა ამ ძალადობაზე, ვინაიდან ეს არის პროკურატურის პირდაპირი ვალდებულება. მათ გააჩნიათ პასუხისმგებლობა, რომ მაღალი სტანდარტით, როგორც სამართლებრივ ისე პოლიტიკური, შემოგვთავაზონ გამოძიება. მოვიტანეთ ფოტო მტკიცებულებები, მათ შორის ვიდეო მტკიცებულება იმისა, თუ როგორ ძალადობს ივანიშვილის რეჟიმი ლევან ხაბეიშვილზე. ფოტომასალაში ჩამოთვლილი გვყავს კონკრეტული ადამიანები, რომლებიც უშუალოდ ახორციელებდნენ ივანიშვილის დავალებას. ეს არის "ხარება", გოგა მემანიშვილი და ყველა ის "რობოკოპი", რომლის სანომრე ნიშანი, მათ შორის რამდენიმე სიუჟეტში არის ასახული, ამიტომ ჩვენ ვითხოვთ სასწრაფოდ დაიწყოს გამოძიება და ყველა პირი დაისაჯოს. რა თქმა უნდა, არ გვაქვს მოლოდინი იმისა, რომ ივანიშვილის პროკურატურა და შოთაძე დაიწყებს გამოძიებას, თუმცა ყველას შევახსენებ, რომ ამ ძალადობას არ აქვს ხანდაზმულობა და აუცილებლად ყველა დამნაშავე კანონის წინაშე აგებს პასუხს“,- განაცხადა ლაშა ფარულავამ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)