Juventus Academy Tsalenjikha-ს მოწვევით, 29 მაისს საქართველოს ლეგენდარული ფრანგი ფეხბურთელი, დავიდ ტრეზეგე ეწვევა. მსოფლიოსა და ევროპის ჩემპიონი 30 მაისს, წალენჯიხაში „იუვენტუსის“ აკადემიის გახსნის ცერემონიაში მიიღებს მონაწილეობას.

Juventus Academy Tsalenjikha-ს ინფორმაციით, ტრეზეგეს ვიზიტი 31 მაისს თბილისში გაგრძელდება, რომლის ფარგლებშიც დაგეგმილია რამდენიმე აქტივობა, მათ შორის „იუვენტუსის" "ფან-კლუბის" წევრებთან შეხვედრა.

„იმავე დღეს, „იუვენტუსის" ყველა დროის ერთ-ერთი საუკეთესო ბომბარდირი საქართველოში აკადემიის ფუნქციონირების მიზნებსა და სხვა საინტერესო თემებზე მედიასთან, პრესკონფერენციის ფორმატში ისაუბრებს.

დაელოდეთ მეტ სიახლეს ჩვენი გვერდის საშუალებით“, - ნათქვამია ინფორმაციაში.