რუსული ძალები წუხელ უკრაინის ელექტროენერგიის წარმოებისა და გადაცემის ობიექტებს ექვს ოლქში დაესხნენ თავს, - ინფორმაციას უკრაინული მედია ქვეყნის ენერგეტიკის სამინისტროზე დაყრდნობით ავრცელებს.

მათივე ინფორმაციით, დარტყმები განხორციელდა პოლტავას, კიროვოგრადის, ზაპოროჟიეს, ლვოვის, ივანო-ფრანკოვსკის და ვინიცის ოლქებში. შედეგები ზუსტდება. სპეციალისტები უკვე მუშაობენ თავდასხმის შედეგების აღმოსაფხვრელად.

„ელექტროენერგიის ეკონომიური გამოყენება თითოეული ჩვენგანის წვლილია გამარჯვებაში. პასუხისმგებლობიანი მოხმარება განსაკუთრებით მნიშვნელოვანია დილის და საღამოს საათებში“, - აცხადებენ უკრაინის ენერგეტიკის სამინისტროში.