ღაზაში ჰუმანიტარული დახმარების შეტანის მიზნით ისრაელმა კერემ შალომის გამშვები პუნქტი გახსნა, - ამის შესახებ ინფორმაციას ისრაელის თავდაცვის სამინისტროს განყოფილება, ტერიტორიებზე სამთავრობო აქტივობების კოორდინატორი ავრცელებს.

ტერიტორიებზე სამთავრობო აქტივობების კოორდინატორის ცნობით, ჰუმანიტარული დახმარებით დატვირთული სატვირთოები ღაზაში შესვლამდე ისრაელის ინსპექტირებას გაივლიან.

შეგახსენებთ, ისრაელმა კერემ შალომის გამშვები პუნქტი მას შემდეგ დახურა, რაც 5 მაისს, გამშვებ პუნქტთან ახლოს მდებარე ისრაელის სამხედრო ბაზაზე „ჰამასის“ სარაკეტო თავდასხმის შედეგად ოთხი ჯარისკაცი დაიღუპა.