სალომე სამადაშვილი - შალვა პაპუაშვილმა „ქართული ოცნება“ ოფიციალურად „ოხლოკრატიულ“ პარტიად გააფორმა

შალვა პაპუაშვილმა „ქართული ოცნება“ ოფიციალურად „ოხლოკრატიულ“ პარტიად გააფორმა - „ოხლოკრატია“ ბრბოს მმართველობას ნიშნავს და ნიშნავს იმას, რომ ამ ქვეყანაში სახელმწიფო აღარ არსებობს! “რუსული ოცნების“ ხელისუფლება ტუტუშკების მიქსევით მართვაზე გადავიდა! - ამის შესახებ “ინტერპრესნიუსს “ლელოს“ დეპუტატმა სალომე სამადაშვილმა მმართველი პარტიის ინიციატივის შეფასებისას განუცხადა.

სამადაშვილის თქმით, ეს ყველაფერი იმას მოასწავლეებს, რომ არსებული ხელისუფლების დასასრული ძალიან ახლოს არის.

“გარდა იმისა, რომ “ქართული ოცნების“ მიერ გაკეთებული განცხადება გარკვეული ფაშიზმის ელემენტებს ატარებს, აჩვენებს იმას, რომ “ქართულმა ოცნებამ“ სახელმწიფო ჩამოაქცია. პარტია “ქართული ოცნება“ ყველა სახელმწიფო ინსტიტუტს აკონტროლებს. სახელმწიფო ინსტიტუციები კი ამ ქვეყანაში იმისთვის არსებობს, რომ თუ კონკრეტულ დანაშაულს აქვს ადგილი, ობიექტურად გამოიძიოს და შესაბამისი რეაგირება მოახდინოს.

ქართველ ხალხს კანონის უზენაესობა, სიმშვიდე და წესრიგი სჭირდება, რათა 30 წლის წინ არჩეულ გზაზე სიარული გავაგრძელოთ, რაც ამ ქვეყნის ევროატლანტიკურ სივრცეში გაწევრიანებას, ეკონომიკურ ზრდას და სამუშაო ადგილების შექმნას ნიშნავს. ეს ყველაფერი ტიტუშკებით მართულ სახელმწიფოში არის შეუძლებელი.

შალვა პაპუაშვილი ვერავის დააშინებს! - მათ ამ სიაში საქართველოს მოქალაქეების 90%-ის შეყვანა მოუწევთ, რადგან ამ ქვეყნის 90% ევროპულ მომავალს ირჩევს, რომელსაც ტიტუშკების ხელით ვერავინ წაართმევს.

რუსული მმართველობის წინააღმდეგ არსებული პროექტის ტალღა მხოლოდ გაძლიერდება და დასრულდება იმით, რომ “ქართული ოცნება“ არჩევნებზე ძალიან მძიმე კრახს განიცდის. ეს იქნება კრახი, რაც არათუ მათ ოპოზიციაში გადასვლას შეიძლება ნიშნავდეს, არამედ კითხვის ნიშნის ქვეშ დააყენებს იმას, “ქართულმა ოცნებამ“ როგორც პარტიამ შეიძლება თუ არა არსებობა გააგრძელოს, რადგან დღეს ანტისახელმწიფოებრივ პარტიად ჩამოყალიბება გააფორმეს“, - განაცხადა სალომე სამადაშვილმა.

პარლამენტის თავმჯდომარემ შალვა პაპუაშვილმა განაცხადა, რომ პარტიული სტრუქტურების მეშვეობით დაიწყება მონაცემთა ბაზის შექმნა, რომელშიც თავს მოიყრის ინფორმაცია ყველა იმ ადამიანის შესახებ, "რომელიც ძალადობაში, სხვა კანონსაწინააღმდეგო ქმედებებში, მუქარასა და შანტაჟში არის ჩართული ან ამგვარ ქმედებებს საჯაროდ იწონებს". პაპუაშვილის თქმით, მონაცემთა ბაზა სპეციალურ ვებგვერდზე განთავსდება და იქნება საჯარო და გამჭვირვალე საქართველოს მოქალაქეებისთვის.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)