თინა ბოკუჩავა - ეს არის ბიძინა ივანიშვილის დაანონსებული რეპრესიები - ჰგონია, რომ ამით შეაშინებს ახალგაზრდებს, „ნაციონალურ მოძრაობას“ ან რომელიმე პოლიტიკურ ლიდერს, ეს უფრო მეტად მოახდენს ჩვენს კონსოლიდაციას

რა თქმა უნდა, ეს არის ბიძინა ივანიშვილის დაანონსებული რეპრესიები. კონკრეტულად „ერთიანი ნაციონალური მოძრაობის“ მიმართ, რასაც მოჰყვა ის უსასტიკესი ფიზიკური ანგარიშსწორება ლევან ხაბეიშვილის წინააღმდეგ, როდესაც მას სასიკვდილოდ იმეტებდნენ ივანიშვილის დავალებით სპეცსამსახურები და ახლა დიმა ჩიქოვანის მიმართ ფიზიკური ძალადობა, - განაცხადა საპარლამენტო ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ.

თინა ბოკუჩავას თქით, მათ ჰგონიათ, რომ ახალგაზრდებს შეაშინებენ, თუმცა აღნიშნულის შედეგი იქნება კონსოლიდაცია "რუსული რეჟიმის წინააღმდეგ".

„რა თქმა უნდა, ეს არის ბიძინა ივანიშვილის დაანონსებული რეპრესიები. რუსთაველის გამზირზე, სადაც პრაქტიკულად იკრიბებიან თავისუფალი და თავისუფლების მოყვარული ახალგაზრდები, რომლებიც იცავენ მხოლოდ და მხოლოდ საკუთარი ქვეყნის ევროპულ მომავალს, მათ დაუანონსა კონკრეტულად რეპრესიები, კონკრეტულად „ერთიანი ნაციონალური მოძრაობის“ მიმართ და ამას მოჰყვა ის უსასტიკესი ფიზიკური ანგარიშსწორება ლევან ხაბეიშვილის წინააღმდეგ, როდესაც მას სასიკვდილოდ იმეტებდნენ ივანიშვილის დავალებით სპეცსამსახურები და ახლა დიმა ჩიქოვანის მიმართ ფიზიკური ძალადობა და ასევე, უამრავი ახალგაზრდა მიმართ, რომელსაც არ აქვს არანაირი პოლიტიკური კუთვნილება, არ არიან არცერთი პოლიტიკური პარტიის წევრი და რატომ? იმიტომ, რომ ივანიშვილმა დააანონსა რეპრესიები და ჰგონია, რომ ამით შეაშინებს ახალგაზრდებს, ან შეაშინებს „ერთიან ნაციონალურ მოძრაობას“ ან რომელიმე პოლიტიკურ ლიდერს და ამას ექნება მხოლოდ და მხოლოდ უკუეფექტი, ეს უფრო მეტად მოახდენს ჩვენს კონსოლიდაციას, იმას რაც ახლა ყველაზე მეტად გვჭირდება რუსული რეჟიმის წინააღმდეგ, არა მხოლოდ რუსული კანონის წინააღმდეგ, არამედ რუსული რეჟიმის წინააღმდეგ“, - განაცხადა თინა ბოკუჩავამ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს