„უცხოური გავლენის გამჭვირვალობის შესახებ“ კანონის მოწინააღმდეგეები მეტრო „300 არაგველთან“ იკრიბებიან, საიდანაც ევროპის მოედნისკენ მარშით წავლენ.

პროტესტის მონაწილეები ადგილზე 18:00 საათიდან იკრიბებიან. აქ შეკრებილ საზოგადოებას პარტიის “ახალი” წევრები და მხარდამჭერები შეუერთდნენ.

მეტრო „300 არაგველთან“ შეკრებილებს შეუერთდნენ „ევროპული საქართველოს“ და „ნაციონალური მოძრაობის” წევრები.

„ევროპის მარში – ევროპის კვირაში” - ამ სლოგანით თბილისში, გარდა მეტრო 300 არაგველისა, 3 ლოკაციაზე: რესპუბლიკის მოედანი,მარჯანიშვილის მოედანი და წერეთლის გამზირზე, „ექსპო ჯორჯიასთან“ შეიკრიბნენ. შეკრებილები 3 ლოკაციიდან ერთდროულად 19:00 საათზე, ევროპის მოედნისკენ დაიძვრებიან, საიდანაც კიდევ ერთხელ გააპროტესტებენ „უცხოური გავლენის გამჭვირვალობის შესახებ“ კანონპროექტს.