დედაქალაქის  სამი ლოკაციიდან ევროპის მოედნისკენ „ევროპის მარში“ ეწყობა

დედაქალაქის რამდენიმე ლოკაციიდან ევროპის მოედნისკენ „ევროპის მარში“ ეწყობა. უფრო კონკრეტულად, მოქალაქეები, რომლებიც „უცხოური გავლენის გამჭვირვალობის შესახებ“ კანონპროექტს აპროტესტებენ, მსვლელობით დაიძრნენ მეტროსადგურ „300 არაგველის“ მიმდებარე ტერიტორიიდან, რესპუბლიკის მოედნიდან და მარჯანიშვილის მოედნიდან, სადაც აქციის მონაწილეებს მანამდე, ასევე მარშით შეუერთდნენ „ექსპო ჯორჯიასთან“ შეკრებილები.

მსვლელობის მონაწილეებმა გადაკეტეს საავტომობილო გზები რუსთაველის გამზირზე, ასევე მარჯანიშვილის მოედნისა და მეტროსადგურ „300 არაგველის“ მიმდებარედ.

რაც შეეხება თითოეულ ლოკაციას, მარშის მონაწილეებმა, რომლებიც მეტროსადგურ „300 არაგველიდან“ დაიძრნენ, ბანერი გაშალეს წარწერით „კი ევროპას, არა რუსულ კანონს“, „ბრძოლის ყიჟინა მოგვესმა“. აქ შეკრებილებს პოლიტიკოსები, მათ შორის პარტია „ახალის“ წევრები და მხარდამჭერები, ასევე „ევროპული საქართველოს“ წევრები შეუერთდნენ.

სხვადასხვა შეძახილით მიემართებიან აქციის მონაწილეები რესპუბლიკის მოედნიდანაც. ისინი სკანდირებენ: „არა რუსულ კანონს“; „საქართველოს გაუმარჯოს“.

რაც შეეხება პროტესტის მონაწილეებს, რომლებიც მარჯანიშვილის მოედნიდან დაიძრნენ, მათ გაშლილი აქვთ ბანერი წარწერით „ძალა ერთობაშია, ძალა ევროპაშია“. ასევე, მოქალაქეებს ხელში უჭირავთ ევროკავშირისა და საქართველოს დროშები.

სამივე მსვლელობა ევროპის მოედანზე უნდა დასრულდეს, სადაც „უცხოური გავლენის გამჭვირვალობის შესახებ“ კანონპროექტის წინააღმდეგ აქცია გაგრძელდება.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე