აქციის მონაწილეების ნაწილმა ევროპის მოედნიდან მსვლელობით პარლამენტის შენობისკენ გადაინაცვლა.

ევროპის მოედანზე აქციის დასრულების შემდეგ პარლამენტთან გადანაცვლების შესახებ მოწოდება არ გაკეთებულა, თუმცა მოქალაქეების ნაწილმა გადაწყვიტა პარლამენტთან წასვლა.

რაც შეეხება ევროპის მოედანზე გაკეთებულ მოწოდებას, სიტყვით გამომსვლელებმა აქციის მონაწილეებს მიმართეს, რომ ხვალ პარლამენტის შენობასთან ღამე გაათენონ და ამგვარად მშვიდობიანად გამოხატონ პროტესტი “უცხოური გავლენის გამჭვირვალობის შესახებ" კანონპროექტთან დაკავშირებით.

ამ დროისთვის რუსთაველის გამზირზე გზა გადაკეტილია.