სალომე ზურაბიშვილი - მრცხვენია, როცა პარლამენტის წევრებისგან, რომელთაც ოდესღაც ვიცნობდი, წარმოუდგენელ სიტყვებს ვკითხულობ, რაც მხოლოდ ერთი რამის ნიშანია, რომ დაშინებული არიან შინაგანად
მრცხვენია, როცა ვკითხულობ პარლამენტის წევრებისგან, რომელთაც ოდესღაც ვიცნობდი, წარმოუდგენელ სიტყვებს, რაც მხოლოდ ერთი რამის ნიშანია, რომ დაშინებული არიან შინაგანად - ეს არის სწორედ შინაგანი მდგომარეობის საშინელი გამოხატვა, - ამის შესახებ საქართველოს პრეზიდენტმა სალომე ზურაბიშვილმა ბრიფინგზე განაცხადა.
პრეზიდენტის თქმით, ხელისუფლებისგან „ტყუილებს მიჩვეული“ ვართ და მანიპულაციაში დაადანაშაულა.
„ტყუილი, მანიპულაცია, მიხრა-მოხრა, რომ გაუგებრობა შეიქმნას, მაგრამ ეს გაუგებრობა ვერ იქნება. ტყუილს მიჩვეული ვართ, ვიცით, რომ ეს რუსული კანონი ერთხელ უკვე გაიწვიეს, დაგვიფიცეს, რომ არა, აღარ იქნება, არასდროს აღარ შემოვიტანთო, არა მხოლოდ ჩვენ, ასევე, ჩვენს უცხოელ პარტნიორებსაც უთხრეს და ისევ დააყენეს საკითხი, რომელიც რეალურად, არავის სჭირდებოდა. მხოლოდ მათთვის არის, რომ "ჩვენ რაც გვინდა, იმას ვაკეთებთ და არავის, არც შიგნით და არც გარეთ, არ ვემორჩილებით". აგერ საზოგადოების პასუხი...
მანიპულაციაა, როდესაც ერთი ხელით რაღაცაზე საუბრობ, რაღაც დიალოგი, ცვლილებებია და მეორე ხელით, ის რაც გავიგონეთ პრემიერის სიტყვებით, ძალადობა, დაშინება, ტერორი, დაპატიმრება, სრულიად უდანაშაულო ადამიანების. ვერავის დაარწმუნებთ იმაში, რომ ეს ახალგაზრდები რაღაც დიდ კონსპირაციებს აწყობდნენ. თქვენ თვითონაც არ გჯერათ. შანტაჟები და წარმოუდგენელი შეურაცხყოფა. მრცხვენია, როცა ვკითხულობ პარლამენტის წევრებისგან, ვიღაცებისგან, რომელსაც შეიძლება ოდესღაც ვიცნობდი, წარმოუდგენელ სიტყვებს, რაც არის მხოლოდ და მხოლოდ ერთი რამის ნიშანი, რომ უკვე დაშინებული არიან თვითონ შინაგანად, ეს არის სწორედ იმ შინაგანი მდგომარეობის საშინელი გამოხატვა“, - დასძინა პრეზიდენტმა.
v-if="article.gallery" v-html="article.gallery"
