ვახტანგ გომელაური - სამწუხაროა, რომ სალომე ზურაბიშვილი, რომელმაც გაათავისუფლა გრიგორიადისი, რომელიც  პოლიციელებს ცოცხლად წვავდა, ჭკუას გვარიგებს - ერთ ფაქტს ვერ მოიყვანენ, რომ მომიტინგეების გაწევა ან შეზღუდვა პირველებმა დავიწყეთ

ძალიან სამწუხაროა, რომ სალომე ზურაბიშვილი, რომელმაც რამდენიმე ხნის წინ პირადად გაათავისუფლა და გამოიყვანა ლაზარე გრიგორიადისი, რომელიც პოლიციელებს ცოცხლად წვავდა, დღეს ჭკუას გვარიგებს და მიგვითითებს რა გავაკეთოთ, - ამის შესახებ შინაგან საქმეთა მინისტრმა, ვახტანგ გომელაურმა ბრიფინგზე განაცხადა, რითაც პრეზიდენტის განცხადებას გამოეხმაურა.

გომელაურის თქმით, დღეს ან ხვალ აქციებზე თუ მომიტინგეებისგან აგრესია წამოვა, შსს კანონის ფარგლებში ძალიან მკაცრად უპასუხებს.

„ძალიან სამწუხაროა, რომ სალომე ზურაბიშვილი, რომელმაც რამდენიმე ხნის წინ პირადად გაათავისუფლა და გამოიყვანა ლაზარე გრიგორიადისი, რომელიც პოლიციელებს ცოცხლად წვავდა, დღეს ჭკუას გვარიგებს და მიგვითითებს რა გავაკეთოთ. მე მინდა ხაზი გავუსვა, რომ არასოდეს, ერთ ფაქტს ვერ მომიყვანს ვერც პრეზიდენტი და ვერცერთი მოქალაქე, რომ ჩვენ მომიტინგეების ან გაწევა ან შეზღუდვა პირველებმა დავიწყეთ.

მაგალითად, გუშინ იყო აქცია, სამი წერტილიდან დაიძრნენ, პოლიცია მშვიდობიანად მივეხმარეთ, მივაცილეთ და გზებიც დავუკეტეთ. პოლიცია პირველი არასდროს არ იწყებს ადამიანებთან ფიზიკურ კონტაქტს - მოვუწოდებთ ხოლმე ხშირად - დღესაც და ხვალაც ასე გავაკეთებთ. ჩვენ არანაირი აგრესიის გამოხატვა არ გვინდა და არცა გამოვხატავთ. თუ მომიტინგეებისგან აგრესია წამოვა, ჩვენ, რა თქმა უნდა, კანონის ფარგლებში ძალიან მკაცრად ვუპასუხებთ“, - აღნიშნა გომელაურმა.

როგორც გომელაურმა აღნიშნა, ვერცერთ ფაქტს ვერ მოიყვანს ვერც პრეზიდენტი და ვერც ოპოზიციის წარმომადგენელი, რომ სამართალდამცავები მივიდნენ და ადამიანების წინააღმდეგ რაიმე საშუალებების გამოყენება დაიწყეს.

„მშვიდობიან აქციას ხელს არასდროს არ ვუშლით, პირიქით ვეხმარებით ხოლმე. მშვიდობიანს ვერ დავარქმევ, როდესაც ქალაქში სკამებს, ურნებს ამტვრევენ და ცეცხლს უკიდებენ. ეს მშვიდობიანი აქცია არ არის და რატომღაც ნათლავენ, რომ მშვიდობიანიაო.

ვერცერთ ფაქტს ვერ მომიყვანს ვერც პრეზიდენტი და ვერც ოპოზიციის წარმომადგენელი, რომ ჩვენ მივედით და ადამიანების წინააღმდეგ რაიმე საშუალებების გამოყენება დავუწყეთ“, - აღნიშნა შს მინისტრმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)