აქციის ორგანიზატორებმა დემონსტრანტებს ჭიჭინაძის ქუჩის გამაგრებისკენ მოუწოდეს.

ამ წუთებში მომიტინგეები ჭიჭინაძის ქუჩისკენ მიემართებიან.

"ჭიჭინაძის ქუჩა უნდა გავამაგროთ. ჩვენს თანამებრძოლებს ფიზიკურად უსწორდებიან", - განაცხადეს აქციის მონაწილეების მისამართით.

მანამდე ჭიჭინაძის ქუჩაზე, სამართალდამცავებსა და აქციის მონაწილეებს შორის დაპირისპირების რამდენიმე შემთხვევა იყო.

საქართველოს პარლამენტის მიმდებარე ტერიტორიაზე აქცია „გაუთენე საქართველოს“ 12 მაისის 22:00 საათიდან მიმდინარეობს.

„უცხოური გავლენის გამჭვირვალობის შესახებ” კანონპროექტის მოწინააღმდეგეებმა რუსთაველის გამზირზე გაათენეს ღამე. მათი მიზანია, დილას პარლამენტში არ შეუშვან უმრავლესობის წევრი დეპუტატები. დღეს "ქართულ ოცნებას" „უცხოური გავლენის გამჭვირვალობის“ შესახებ კანონპროექტის მესამე საკომიტეტო მოსმენა აქვს დაგეგმილი.