რუსული მხარის ინფორმაციით, ბელგოროდში კორპუსის დაბომბვის შედეგად დაღუპულთა რაოდენობა 15-მდე გაიზარდა
ბელგოროდში, საცხოვრებელი კორპუსის ნანგრევებიდან მაშველებმა კიდევ ერთი ცხედარი ამოიყვანეს და დაღუპულთა საერთო რაოდენობა 15-მდე გაიზარდა, - ინფორმაციას რუსული მედია ქვეყნის საგანგებო სიტუაციების სამინისტროს პრესსამსახურზე დაყრდნობით ავრცელებს.
ბელგოროდის გუბერნატორის, ვიაჩესლავ გლადკოვის განცხადებით, დაშავებულია 20 ადამიანი, მათ შორის ორი ბავშვი. სამძებრო-სამაშველო სამუშაოები გრძელდება.
შეგახსენებთ, გუშინ, რუსულმა მხარემ გაავრცელა ინფორმაცია, რომ უკრაინის შეიარაღებულმა ძალებმა ბელგოროდი დაბომბეს. ჭურვი ათსართულიან საცხოვრებელ კორპუსს მოხვდა, რის შედეგადაც მთელი სადარბაზო ჩამოინგრა.
