სალომე სამადაშვილი - „ოცნება“ არის ამ ქვეყნის ისტორიაში პირველი ხელისუფლება, რომელმაც საკუთარ თავს დელეგიტიმაცია გაუკეთა, ხელისუფლებაში ყოფნის პირობებშიც კი

„ლელოს“ დეპუტატის, სალომე სამადაშვილის განცხადებით, „ქართული ოცნება“ არის ამ ქვეყნის ისტორიაში პირველი ხელისუფლება, რომელმაც საკუთარ თავს დელეგიტიმაცია გაუკეთა, ხელისუფლებაში ყოფნის პირობებშიც კი. ამის შესახებ მან ჟურნალისტებს განუცხადა.

„ის, რაც დღეს ხდება, ეს არის არალეგიტიმური პროცესი. რამდენმა კომიტეტმაც არ უნდა დაამტკიცოს ეს კანონი, რამდენჯერაც არ უნდა უყარონ კენჭი, როდესაც ჩვენ ვხედავთ, რომ რობოკოპებისა და მთელი ძალოვანი სტრუქტურების მობილიზაციის პირობებში უწევთ საკუთარი დეპუტატების შემოპარება, ეს ნიშნავს ერთადერთ რამეს, რომ ამ ხელისუფლებას ლეგიტიმაცია აქვს დაკარგული. ამ კანონს თუ მიიღებენ და დაამტკიცებენ, საერთაშორისო სანქციების ქვეშ აღმოჩნდებიან არამხოლოდ ეს სამარცხვინო რუსი დეპუტატები, რომლებიც დღეს რუსულ დავალებას ასრულებენ, არამედ, ფაქტობრივად მთელი მთავრობაც. საერთაშორისო სანქციების ქვეშ მოქცეული მთავრობა ნიშნავს არალეგიტიმურ მთავრობას და ჩვენ მივალთ იქამდე, რომ სწორედ დემოკრატიული პროცესით ქვეყანას ეყოლება ლეგიტიმური, დემოკრატიულად, ხალხის მიერ არჩეული ხელისუფლება,“- განაცხადა სალომე სამადაშვილმა.

მირიან მირიანაშვილი - თუ რუსეთმა აშშ-თან უკრაინაში ომის დასრულების შეთანხმება ვერ დადო, ანუ, თუ სი ძინ პინი „ვერ გადააგდო“, მაშინ საქართველო რუსეთის გავლენის სფეროში ვერ აღმოჩნდება
ქართული პრესის მიმოხილვა 17.04.2025
„ამბასადორი აილენდ ბათუმის" მიმართ ინტერესმა დუბაის უძრავი ქონების საერთაშორისო გამოფენაზე მოლოდინს გადააჭარბა
„ვისოლი“ ციფრული ტრანსფორმაციის ახალ ეტაპზე გადადის
Touch Plarform-ის ორგანიზებით, თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
სილქნეტის აქცია: თემატური სპორტული პაკეტები დამატებითი გადასახადის გარეშე
საბანკო ასოციაციის რჩევები კიბერუსაფრთხოებისთვის დღესასწაულების წინ