ქუთაისში საპროტესტო აქცია მსვლელობით გრძელდება. აქციის მონაწილეებმა „ქართული ოცნების“ ოფისთან გადაინაცვლეს.

„საქართველო“, „არ რუსულ კანონს“, - სკანდირებენ ოფისთან მისული აქციის მონაწილეები. ისინი საყვირებით და შეძახილებით მოქალაქეებს აქტიურობისკენ მოუწოდებენ.

აქციის მონაწილეები ხელისუფლებას მიმართავენ „უცხოური გავლენის გამჭვირვალობის შესახებ“ კანონპროექტი გაიწვიონ, წინააღმდეგ შემთხვევაში პროტესტის შეწყვეტას არ აპირებენ.

მსვლელობა დღის ბოლოს ქუთაისის მერიის შენობასთან გადაინაცვლებს.