სერგო ჩიხლაძე  - ბელარუსი გავხდით, პოლიტიკოსებს, ახალგაზრდებს, არასრულწლოვნებს სცემენ, სრული ტერორი აქვთ, რა შეიძლება კიდევ მოხდეს? - ქუჩაში რომ გავალთ და ცეცხლს გაგვიხსნიან

კანონი არ არის მიღებული და უკვე რაღაც კრიმინალური სახელმწიფო შექმნეს. ბელარუსი კი არ გავხდებით, უკვე გავხდით, - ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ „პალიტრანიუსის“ გადაცემაში „360 გრადუსი“ განაცხადა.

სერგო ჩიხლაძის განმარტებით, მარტო „უცხოური გავლენის გამჭვირვალობის შესახებ“ კანონის საკითხი კი არ დგას, არამედ ხელისუფლება გავიდა კანონის და კონსტიტუციის ფარგლებს გარეთ.

„კანონი ჯერ მიღებული არ არის, მაგრამ უკვე ტერორისტული რეჟიმის დამყარებას ვხედავთ. კანონი რომ სულ გვერდზე გავწიოთ, „ქართულმა ოცნებამ“ სულ სხვა რეალობა შექმნა. კანონი არ არის მიღებული და უკვე რაღაც კრიმინალური სახელმწიფო შექმნეს. ბელარუსი კი არ გავხდებით, გავხდით უკვე. პოლიტიკოსებს სცემენ, ახალგაზრდებს და არასრულწლოვნებს სცემენ, სრული ტერორი აქვთ ყველაზე დამყარებული, ჩასაფრებებია, რა შეიძლება კიდევ მოხდეს? ერთადერთი ამას თუ დაემატება ის, რომ ქუჩაში გავალთ და ცეცხლს გაგვიხსნიან. მარტო კანონის თემა აქ აღარ არის, ხელისუფლება გავიდა კანონის ფარგლებს გარეთ. ხელისუფლება გასულია კონსტიტუტიის ჩარჩოდან.

სამწუხარო რეალობაში შევედით და აქ გვჭირდება ერთობა, პრინციპულობა, ერთად დგომა ყველას. ან გვაქვს სახელმწიფო, ან ვკარგავთ რუსულ ჭაობში. უფრო დიდი და ფორმალიზებული ერთობის, უფრო სტრუქტურირებული ერთობის მომხრე ვარ. მაგრამ ამის მიღმა ჩვენ ერთად უნდა ვიბრძოლოთ და შემდეგ ეს ბრძოლა გარკვეულ განვითარებას ჰპოვებს“, - განაცხადა სერგო ჩიხლაძემ.

რაც შეეხება ირაკლი კობახიძის განცხადებას, რომ „იყო ბიძინა ივანიშვილის მიმართ თხოვნა ჯეიმს ო’ბრაიანთან შეხვედრასთან დაკავშირებით, რაზეც ივანიშვილმა უარით უპასუხა“, სერგო ჩიხლაძე აცხადებს, რომ ბიძინა ივანიშვილი დასავლეთთან ყველანაირ კავშირს წყვეტს და ეს უარიც ამის გამოხატულებაა.

„კობახიძე ადასტურებს, რომ უმაღლესი თანამდებობის პირი, ბლინკენის მოადგილე ჩამოდის და მასაც არ ხვდება ბიძინა ივანიშვილი. მან თქვა, რომ ის ჭრის ყველა კავშირს დასავლეთთან და ეს პრაქტიკაში ხორციელდება. ის აღარ ხვდება ევროპელებს. ის კი არა, მისი ქვეშევრდომებიც აღარ ხვდებიან: პაპუაშვილი, კობახიძე და სხვები“, - განაცხადა სერგო ჩიხლაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი