“უცხოური გავლენის გამჭვირვალობის შესახებ” კანონპროექტის საწინააღმდეგო აქცია დასრულდა - მომიტინგეების ნაწილი პარლამენტთან კვლავ რჩება

რუსთაველის გამზირზე “უცხოური გავლენის გამჭვირვალობის შესახებ” კანონპროექტის საწინააღმდეგო აქცია დასრულდა, თუმცა აქციის მონაწილეების ნაწილი მაინც რჩებიან პარლამენტის შენობასთან.

აქციის მონაწილეების დარჩენილ ნაწილს რუსთაველის გამზირი აქვთ გადაკეტილი.

ერთ-ერთი ორგანიზატორის მოწოდებით, სტუდენტებს, ვისაც სურვილი აქვთ, შეუძლიათ დარჩნენ და გაათენონ საქართველოსთვის.

ამასთან, აქციის დასასრულს ორგანიზატორმა ახალი ლოზუნგი გააჟღერა, რომელსაც ხვალიდან ყველგან გააჟღერებენ.

ზვიად ცეცხლაძის თქმით, 1 თვიან პროტესტს ლოგიკური გაგრძელება უნდა ჰქონდეს და ეს უნდა იყოს მასიური გაფიცვა ყველა სფეროში.

მისი თქმით, მთელი საქართველო ერთად უნდა დადგეს ბოროტების მანქანის წინააღმდეგ.

“ლოგიკური გაგრძელება უნდა ჰქონდეს ამ ყველაფერს. დღეს ყველა უნივერსიტეტი გაიფიცა. აპოლიტიკური ადამიანებიც გაიფიცნენ. ამ ყველაფრის ერთადერთი გზა და ლოგიკური გაგრძელება იქნება გაფიცვა. Genz-ი არის ახალი განმათავისუფლებელი მოძრაობა. ჩვენ ვართ საქართველოს გმირი თაობა. ოჯახებშიც მოვუწოდოთ, რომ გაიფიცონ. შევცვალოთ საქართველო ჩვენი ოჯახებიდან. გამოვაცოცხლოთ ჩვენი მშობლების თაობა, გამოვაცოცხლოთ საქართველო!

ლოზუნგი - “არა რუსულ კანონს” უნდა შევცვალოთ. ეს არის ერთი პატარა ჭანჭიკი იმ ბოროტების მანქანაში, რომელიც ჩვენს ქვეყანას ღუპავს. ჩვენ ვებრძვით ვერაგ მტერს. ამიტომ ჩვენ უნდა დავთესოთ მნიშვნელოვანი სკანდირება, რომლისაც მათ ეშინიათ - გაიფიცეთ! გაიფიცეთ! გაიფიცეთ!

ყველგან უნდა დავწეროთ “გაიფიცეთ”. მთელი საქართველო ერთად უნდა დადგეს ამ ბოროტების მანქანის წინააღმდეგ.

რა უნდა გავაკეთოთ? გავიფიცოთ!”, - განუცხადა მან შეკრებილ ახალგაზრდებს.

ინფორმაციისათვის, სტუდენტები 14 მაისის დილის 10:00 საათიდან კვლავ შეიკრიბებიან საკანამდებლო ორგანოსთან.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა