ბათუმის უნივერსიტეტში სხვადასხვა უმაღლესი სასწავლებლის სტუდენტები შეიკრიბნენ და „უცხოური გავლენის გამჭვირვალობის შესახებ“ კანონპროექტის წინააღმდეგ აქციას მართავენ.

აქციის მონაწილეები ამბობენ, რომ სტუდენტებს ლექტორების დიდი ნაწილი მხარდაჭერას უცხადებს.

„აქცია გაგრძელდება, ამაზე მნიშვნელოვანი არაფერია ქვეყანაში. მსვლელობას ვგეგმავთ, მშვიდობიანი ფორმა შენარჩუნდება, სამოქმედო გეგმა კი ყოველდღიურად იცვლება. მთავარია "არა რუსულ კანონს”, - აცხადებენ შეკრებილები.