ვლადიმერ პუტინი 16-17 მაისს ჩინეთს ეწვევა

რუსეთის პრეზიდენტი, ვლადიმერ პუტინი 16-17 მაისს ჩინეთს ეწვევა, - ინფორმაციას რუსული მედია კრემლის პრესსამსახურზე დაყრდნობით ავრცელებს.

„ჩინეთის პრეზიდენტ სი ძინპინის მიწვევით, რუსეთის ფედერაციის პრეზიდენტი, ვლადიმერ პუტინი 16-17 მაისს ჩინეთის სახალხო რესპუბლიკას ეწვევა“, - აღნიშნულია კრემლის ინფორმაციაში.

კრემლში აცხადებენ, რომ რუსეთისა და ჩინეთის ლიდერები გეგმავენ, დეტალურად განიხილონ ყოვლისმომცველი პარტნიორობისა და სტრატეგიული ურთიერთქმედების საკითხების მთელი სპექტრი. ️ ვლადიმერ პუტინი და სი ძინპინი ასევე გაცვლიან მოსაზრებებს ყველაზე აქტუალურ საერთაშორისო და რეგიონულ საკითხებზე.

„მოლაპარაკებების შედეგად დაგეგმილია სახელმწიფოს მეთაურების ერთობლივი განცხადებისა და რამდენიმე ორმხრივი დოკუმენტის ხელმოწერა“, - აცხადებენ კრემლში.

გარდა ამისა, ვლადიმერ პუტინი და სი ძინპინი მონაწილეობას მიიღებენ დიპლომატიური ურთიერთობების დამყარების 75 წლის იუბილის აღსანიშნავ ღონისძიებაში.

რუსეთის პრეზიდენტი ასევე შეხვდება ჩინეთის სახალხო რესპუბლიკის სახელმწიფო საბჭოს პრემიერს ლი ციანს და შეხვედრაზე მხარეები სავაჭრო, ეკონომიკურ და ჰუმანიტარულ სფეროებში ორმხრივი თანამშრომლობის საკითხებს განიხილავენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024