ტარიელ ნაკაიძის მიერ „ქართული ოცნების“ წევრების სერგო ორჯონიკიძესთან შედარებას, პლენარულ სხდომაზე ხმაური მოჰყვა - ოპოზიციონერ დეპუტატს უმრავლესობის წევრებმა შეურაცხმყოფელი რეპლიკებით მიმართეს და ქაღალდები ესროლეს

ვინაა ბიჭო ორჯონიკიძე. ნაბიჭვარო შენა, - ასე მიმართა „ქართული ოცნების“ დეპუტატმა, ალუდა ღუდუშაურმა, ოპოზიციონერ დეპუტატს, ტარიელ ნაკაიძეს, რომელიც პარლამენტის პლენარულ სხდომაზე დეპუტატების განცხადების ფორმატით სარგებლობდა.

ალუდა ღუდუშაური ტარიელ ნაკაიძესთან მივიდა და გამოსვლა მას შემდეგ შეაწყვეტინა, როცა დეპუტატმა კანონის მიღების შემთხვევაში მმართველი გუნდის წევრები სერგო ორჯონიკიძეს შეადარა.

„თუ დღეს ქვეყნის საბოლოოდ განადგურებას მოაწერთ ხელს, საუკუნოდ ორჯონიკიძეთა გვერდით მოიხსენიება თქვენი სახელი და გვარები“, - განაცხადა ნაკაიძემ.

დეპუტატებს შორის სიტუაციის განმუხტვას სხვა დეპუტატები და მანდატურები ცდილობდნენ.

„ზედმეტი არ მოგივიდეს“ - მიმართა დავით მათიკაშვილმა ტარიელ ნაკაიძეს.

ინციდენტში „ხალხის ძალის“ დეპუტატებიც ჩაერთნენ, ერთ-ერთმა მათგანმა, დიმიტრი ხუნდაძემ ტარიელ ნაკაიძეს სიტყვიერი შეურაცხყოფა მიაყენა და თავში ფურცლებიც ესროლა.

ასევე, ტარიელ ნაკაიძეს შეურაცხმყოფელი სიტყვებით კიდევ ერთმა დეპუტატმა ზაალ მიქელაძემ მიმართა: "რას კადრულობ, შენ ნომრიანო აგენტო".

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?