გიორგი ვაშაძე ფიქრობს, რომ ჯიმ ობრაიანთან შეხვედრისას სანქციებზე იქნება საუბარი

ყველა იმ ადამიანს, ვინც დღეს ქვეყანას და ქვეყნის ეროვნულ ინტერესებს ღალატობს, ყველაზე დიდი სანქცია ხალხმა უნდა დაადოს და ასეც იქნება, - ამის შესახებ „სტრატეგია აღმაშენებლის“ ერთ-ერთმა ლიდერმა, გიორგი ვაშაძემ სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენთან შეხვედრამდე განაცხადა, რომელიც რამდენიმე წუთში ოპოზიციას შეხვდება.

ვაშაძის თქმით, ის ფიქრობს, რომ ობრაიანთან შეხვედრისას იქნება სანქციებზე საუბარი.

„ეს ვიზიტი პირველ რიგში, არის ათი ათასობით და ასი ათასობით ხალხის, რომელიც ქუჩაში გამოდის, მთელი საქართველოს, რომელიც ამერიკის სტრატეგიული პარტნიორია, მხარდაჭერა. მე ერთ რამეში ვარ დარწმუნებული, რომ ჩვენ ერთიანობას სრული მხარდაჭერა ექნება და ჩვენ ამ ბრძოლაში გავიმარჯვებთ ჩვენს პარტნიორებთან ერთად. დღეს ბრიტანეთის თავდაცვის კონგრესის მინისტრმა ძალიან კონკრეტულად თქვა, რომ ეს არის ფაქტობრივად რუსული სპეცოპერაცია, რომელიც საქართველოში ტარდება და ჩვენ ამას არ დავუშვებთ.

მე ვფიქრობ, რომ ძალიან გატეხილია დღეს „ქართული ოცნება“. კარგად იციან, რამხელა დანაშაულებრივ ქმედებას ჩადიან ქვეყნის და ერის წინაშე. დანარჩენი უკვე ჩვენს ერთიანობაზე, განგრძობად პროცესზეა.

რაც შეეხება სანქციებს, ვფიქრობ, რომ რა თქმა უნდა, ამაზე იქნება საუბარი, მაგრამ ყველაზე დიდი სანქცია, ყველა იმ ადამიანს, დღეს ვინც ქვეყანას და ქვეყნის ეროვნულ ინტერესებს ღალატობს, ხალხმა უნდა დაადოს და ესეც იქნება. ძალიან ახლოსაა გამარჯვება და ჩვენ ამას ვიზეიმებთ“, - განაცხადა გიორგი ვაშაძემ.

ცნობისთვის, აშშ-ის სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენი ვიზიტის ფარგლებში პრემიერ-მინისტრ ირაკლი კობახიძეს შეხვდა. ამასთან შეხვდა ამერიკის სავაჭრო პალატის წარმომადგენლებს. აუდიენცია გაიმართება არასამთავრობო სექტორთან.

სამუშაო შეხვედრების შემდეგ, ჯიმ ობრაიენი მედიის კითხვებსაც უპასუხებს.

ჯიმ ობრაიენს "ქართული ოცნების" საპატიო თავმჯდომარესთან შეხვედრის სურვილიც ჰქონდა, თუმცა როგორც ცნობილი ხდება, ბიძინა ივანიშვილმა უარი უთხრა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024