თინა ბოკუჩავა - ძალიან მნიშვნელოვანია ინდივიდუალური სანქციები ივანიშვილის წინააღმდეგ, 83 მოღალატის წინააღმდეგ, ვინც მხარს უჭერს რუსულ კანონს
ვფიქრობ, ძალიან მნიშვნელოვანია ინდივიდუალური სანქციები ივანიშვილი წინააღმდეგ, 83 მოღალატის წინააღმდეგ, ვინც მხარს უჭერს რუსულ კანონს, - ამის შესახებ „ნაციონალური მოძრაობის“ დეპუტატმა, თინა ბოკუჩავამ სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენთან შეხვედრამდე განაცხადა, რომელიც ოპოზიციას შეხვდება.
მისივე თქმით, სანქციები უკიდურესი ზომაა, რომელსაც რიგ შემთხვევებში იყენებს ამერიკის შეერთებული შტატები, როდესაც ხელისუფლება უპირისპირდება საკუთარ ხალხს.
“ვხედავთ, რომ სახელმწიფო ტერორი გამოცხადდა მხოლოდ იმიტომ, რომ მშვიდობიანად იცავენ ევროპულ მომავალს. ვფიქრობ, ძალიან მნიშვნელოვანია ინდივიდუალური სანქციები ივანიშვილი წინააღმდეგ, 83 მოღალატის წინააღმდეგ, ვინც მხარს უჭერს რუსულ კანონს, ასევე იმ მოძალადეებზე, რომლებიც დაჯგუფების სახით შეგვხვდნენ ახლა, პარლამენტიდან გამოსვლისას და გვემუქრებოდნენ პირადად ფიზიკური ანგარიშსწორებით. ყველა
მოძალადეს, ვინც აორგანიზებს ძალადობას, ჩემი აზრით, პერსონალური სანქცია უნდა შეეხოს”,-აღნიშნა ბოკუჩავამ.
