მიხეილ ყაველაშვილი - „უცხოური გავლენის გამჭვირვალობის შესახებ" პროექტი, სადავო არაა და ყველაფერი ნათელია - არავის აქვს უფლება, საზოგადოების უმრავლესობის სახელით ესაუბროს უმრავლესობის მიერ არჩეულ პარლამენტს

საპარლამენტო უმრავლესობის წევრის, „ხალხის ძალის“ დეპუტატის, მიხეილ ყაველაშვილის განცხადებით, „უცხოური გავლენის გამჭვირვალობის შესახებ" პროექტი, რომელიც პარლამენტმა მესამე მოსმენით მიიღო, სადავო არაა და „ყველაფერი ნათელია“.

როგორც მან პარლამენტის პლენარულ სხდომაზე კანონპროექტის კენჭისყრის შემდეგ ჟურნალისტებს განუცხადა, ამ კანონპროექტის განხილვის საშუალება არსებობდა და მასთან დაკავშირებით საპარლამენტო უმრავლესობა არგუმენტებს ელოდებოდა.

„კანონპროექტი არ არის სადავო. ჩვენ წარმოვადგენთ საქართველოს უმრავლესობის მიერ არჩეულ მმართველ ძალას პარლამენტში. სამივე მოსმენით გვქონდა შესაძლებლობა საზოგადოებისთვის გაგვეცნო ის მიზეზები, რატომ ვიღებთ ამ კანონს, მგონი, ყველაფერი ნათელია. ჩვენ ვართ დემოკრატიული, სამართლიანი ქვეყანა. ამ ქვეყანაში კანონს იღებენ პარლამენტის წევრები. არავის აქვს უფლება, საზოგადოების უმრავლესობის სახელით ესაუბროს უმრავლესობის მიერ არჩეულ პარლამენტს. მარტივ წესებზე მაქვს საუბარი, გვქონდა ამ კანონის გარჩევის საშუალება, ველოდებოდით არგუმენტებს. ჩვენ დღესაც ღია ვართ“, - განაცხადა ყაველაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024