პაატა დავითაია - ხელისუფლებამ უნდა შეწყვიტოს ძალადობის ფაქტები, ეს მიგვიყვანს უმართავ სიტუაციამდე, რაც ცუდი შედეგებით დასრულდება ქართული სახელმწიფოსთვის

პარლამენტის მიერ მესამე მოსმენით კანონის მიღება დარტყმას აყენებს ქვეყნის ევროპულ მომავალს, აზიანებს ქვეყნის ინტეგრაციას ევროკავშირში, ჩვენს ურთიერთობას პარტნიორებთან, ხელს შეუწყობს რუსეთის გავლენების გაძლიერებას ჩვენს ქვეყანაში, რაც კატეგორიულად მიუღებელია, - ამის შესახებ პარტია „ევროპელი დემოკრატების“ თავმჯდომარემ პაატა დავითაიამ განაცხადა.

პაატა დავითაიას განმარტებით, ხელისუფლებამ უნდა შეწყვიტოს ძალადობის ფაქტები, რადგან ეს მიგვიყვანს უმართავ სიტუაციამდე, რაც ცუდი შედეგებით დასრულდება ქართული სახელმწიფოსთვის.

„მოვუწოდებ საქართველოს ხელისუფლებას, რომელსაც აკისრია პასუხისმგებლობა ქვეყანაში მიმდინარე პროცესზე, ადეკვატურად შეაფასოს შექმნილი მდგომარეობა. შეწყვიტოს ძალადობის ფაქტები. დარტყმა, რომელიც ძალოვნებისგან ხვდება თითოეულ მოქალაქეს, ხვდება მთელ სახელმწიფოს. ეს მიგვიყვანს უკონტროლო, უმართავ სიტუაციამდე, რაც ცუდი შედეგებით დასრულდება ქართული სახელმწიფოსთვის.

ახლა ძალიან მნიშვნელოვანია მოქმედების ერთიანი სტრატეგია, მჭიდრო თანამშრომლობა ჩვენს პარტნიორებთან. უნდა მოხდეს კოორდინაცია პოლიტიკური სპექტრის, არასამთავრობო ორგანიზაციების, საზოგადოებრივი ჯგუფების, ახალგაზრდების წარმომადგენლების მხრიდან კოორდინირებული მოქმედებებისთვის. ახლა ერთიანობას აქვს გადამწყვეტი როლი. ცალ-ცალკე დგომა და სეპარატიზმის გამოჩენა მოვლენების მართვაში გამოიწვევს პროცესის დაქსაქსვას, რაც აწყობს ხელისუფლებას. ყველა პოლიტიკურმა ძალამ უნდა აიღოს პოლიტიკური პასუხისმგებლობა, რათა მშვიდობიანად მივიდეთ იმ კონდიციამდე, არომ შეჩერებული იქნას ამ კანონის მოქმედება”, - განაცხადა პაატა დავითაიამ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?