გიორგი მარგველაშვილი - ივანიშვილმა ნათლად ჩამოგვიყალიბა გასაბჭოების გეგმა - ერთი მხრივ, არ უნდა მივცეთ ძალადობის შესაძლებლობა და მეორე მხრივ, მათთან მოლაპარაკებებშიც არ უნდა შევიდეთ, ეს არის სტრატეგია

ბიძინა ივანიშვილმა ძალიან ნათლად ჩამოგვიყალიბა საქართველოს გასაბჭოების გეგმა - ერთი მხრივ, არ უნდა მივცეთ ძალადობის შესაძლებლობა და მეორე მხრივ, მათთან მოლაპარაკებებშიც არ უნდა შევიდეთ, ეს არის სტრატეგია, - ამის შესახებ საქართველოს მეოთხე პრეზიდენტმა, გიორგი მარგველაშვილმა „ინტერპრესნიუსთან“ საუბრისას განაცხადა.

მარგველაშვილის თქმით, ეს მშვიდობიანი პროტესტი მიგვიყვანს იქამდე, რომ ქართული საზოგადოება გაიმარჯვებს.

„ჩემთვის მათი [„ქართული ოცნების“] გადაწყვეტილებები ისეთივე მნიშვნელოვანია, როგორც აქ რომ ვიდექი 30 წლის წინ და ჩემთვის არანაირად მნიშვნელოვანი არ იყო, რას შეცვლიდა გუმბარიძე და "კომუნისტური პარტიის" ყრილობა. არანაირად არ მაინტერესებს რას შეცვლიან. ბიძინა ივანიშვილმა ძალიან ნათლად ჩამოგვიყალიბა საქართველოს გასაბჭოების გეგმა და ქართული საზოგადოება დგას ამის წინააღმდეგ. არ უნდა ავარევინოთ. ერთი მხრივ, არ უნდა მივცეთ შესაძლებლობა ძალადობის და მეორე მხრივ, მათთან მოლაპარაკებებშიც არ უნდა შევიდეთ - ეს არის სტრატეგია.

ეს არის პოლიტიკური პროცესი, რომლითაც ჩვენ ვაღრმავებთ ამ ხალხის მიუღებლობას საზოგადოების მიერ. ფორმულა დევს - ახლის არაფრის მოფიქრება არაა საჭირო. ეს მშვიდობიანი პროტესტი მიგვიყვანს იქამდე, რომ ჩვენ გავიმარჯვებთ“, - აღნიშნა გიორგი მარგველაშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი