ზუგდიდში, პარლამენტის მიერ “უცხოური გავლენის გამჭვირვალობის შესახებ” კანონპროექტის მიღება გააპროტესტეს.

არასამთავრობო ორგანიზაციის წარმომადგენლები, აქტივისტები და საზოგადოების სხვა წევრები მერიის ადმინისტრაციულ შენობასთან შეიკრიბნენ.

მათ ხელში ეჭირათ ბანერი „კი ევროპას, არა რუსულ კანონს“, ასევე, საქართველოსა და ევროკავშირის დროშები. აქციის ორგანიზატორებმა, მოქალაქეებს მოუწოდეს, რომ შეუერთდნენ. მათი თქმით, აუცილებელია გაერთიანება, რადგან რუსეთში ცხოვრება არ უნდა დაუშვან. მოგვიანებით, აქციის მონაწილეებმა ფეხით მსვლელობა მოაწყვეს. ისინი სკანდირებდნენ „საქართველო“, ,,არა რუსულ კანონს“.

აქციის მონაწილეთა განცხადებით, ისინი ყოველდღე შეიკრიბებიან იქამდე, ვიდრე გამარჯვებას არ მიაღწევენ.