ჯიმ ო'ბრაიენი - "ქართული ოცნების" თანახმად, არსებობს "გლობალური ომის პარტია", რომელსაც სურს მოახდინოს გადატრიალება და კონსპირაციული თეორიები, თითქოს დასავლეთს სურს, "ქართული ოცნება" აღარ იყოს ხელისუფლებაში, ეს არარეალურია

საქართველოს გადაწყვეტილება, რომ არ იყოს შესაბამისობაში "უცხოური გავლენის გამჭვირვალობის შესახებ" კანონი ევროკავშირთან და მის სტანდარტებთან, იქნება უარყოფა იმ განაცხადისა, რაც დაფიქსირებულია კონსტიტუციაში, რაც გულისხმობს ნატო-ში და ევროკავშირში გაწევრიანებას,- ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში ჯიმ ო'ბრაიენმა ბრიფინგზე განაცხადა.

ამასთან, მისი თქმით, "ქართული ოცნების" ლიდერების განცხადებები, რომ არსებობს "გლობალური ომის პარტია", რომელსაც სურს საქართველოში მოახდინოს გადატრიალება და კონსპირაციული თეორიები, თითქოს დასავლეთს სურს, "ქართული ოცნება" აღარ იყოს ხელისუფლებაში, მიუხედავად 12 წლიანი თანამშრომლობისა, ძალიან არარეალურია.

"საქართველოს გადაწყვეტილება ["უცხოური გავლენის გამჭვირვალობის შესახებ" კანონთან დაკავშირებით], რომ არ იყოს შესაბამისობაში ევროკავშირთან და მის სტანდარტებთან, იქნება უარყოფა იმ განაცხადისა, რაც არის დაფიქსირებული კონსტიტუციაში, რაც გულისხმობს ამ ორგანიზაციებში გაწევრიანებას. ძალიან კარგად ვხედავთ სხვადასხვა გამოკითხვით თუ ოპოზიციის წევრების, სამოქალაქო საზოგადოების განცხადებით და თავად "ქართული ოცნების" განცხადებებით, რომ ეს არის ის გზა, რაც ქართველი ხალხის უმრავლესობას სურს და მზად ვართ, მხარი დავუჭიროთ საქართველოს ამ გზაზე. შესაბამისად, დღევანდელი საუბრების შედეგად, თუ კი ვთქვათ, მოხდება ამ კანონის ისე შეცვლა, რომელიც დააკმაყოფილებს იმ სტანდარტებს, რაც არის მოთხოვნებში, ეს გააძლიერებს ჩვენს სტრატეგიულ პარტნიორობას და არა თუ დარჩება ისე, როგორც ახლაა. ეს, რაც ვახსენე კანონთან დაკავშირებით ვახსენე, საუბრების ერთი მიმართულება იყო. "ქართული ოცნების" ლიდერების თანახმად, არსებობს გლობალური ომის პარტია, რომელსაც სურს საქართველოში მოახდინოს გადატრიალება და არსებობს კონსპირაციული თეორიები, თითქოს დასავლეთს სურს, რომ "ქართული ოცნება" აღარ იყოს ხელისუფლებაში, მიუხედავად 12- წლიანი თანამშრომლობისა, ჩემი აზრით, ეს ძალიან არარეალურია, არასწორი და ზოგადად, არასწორი გაგებაა საერთაშორისო საზოგადოების ერთგულებისა საქართველოს მიმართ",- განაცხადა ო'ბრაიენმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024