პრეზიდენტი - „უცხოური გავლენის გამჭვირვალობის შესახებ“ კანონი ასლია იმ კანონისა, რომელიც პუტინმა 2012 წელს მიიღო და გამოიყენეს სამოქალაქო საზოგადოების რეპრესიებისთვის - ეს კანონი საგანგაშოა ისეთ ქვეყანაში, როგორიც საქართველოა

ეს არის დუბლიკატი, ასლი იმ კანონისა, რომელიც პუტინმა 2012 წელს მიიღო და კანონი იმისთვის იქნა გამოყენებული, რომ სამოქალაქო საზოგადოების სრული რეპრესირება მომხდარიყო, - ამის შესახებ საქართველოს პრეზიდენტმა სალომე ზურაბიშვილმა CNN-თან საუბარში განაცხადა.

„უპირველეს ყოვლისა, ეს არის დუბლიკატი, ასლი იმ კანონისა, რომელიც პუტინმა 2012 წელს მიიღო და კანონი იმისთვის იქნა გამოყენებული, რომ სამოქალაქო საზოგადოების სრული რეპრესირება მომხდარიყო, რის შედეგადაც დღეს ვხედავთ თუ რა ხდება რუსეთში. ეს აქვს მთავარ მიზნად [აღნიშნულ კანონს]. და, რაც უფრო საგანგაშოა ისეთ ქვეყანაში, როგორიც საქართველოა, რომელმაც არასდროს არ იცოდა ეს, არის ის, რომ ამ კანონისა და ამ რიტორიკის მეშვეობით ოფიციალური პირები ჩვენს წლების მანძილზე პარტნიორებს „უცხოურ ძალებს“ ეძახიან, რომლებსაც ქვეყნის დანგრევა სურთ. ისინი მათ, ჩვენს პარტნიორებს, „აგენტებს“ ეძახიან, რომლებსაც „აქ ახალი ომის პროვოცირება სურთ, როგორც უკრაინაში“, - ამას ამბობენ. და მოსახლეობამ აქ ძალიან კარგად იცის ეს ძველი რუსული და საბჭოური პროპაგანდისტული სვლები. ასე რომ, ის არ მუშაობს. ისინი ხედავენ თუ რა ხდება და ამას გააჩერებენ - აშკარად არა პარლამენტში, ვინაიდან ამ უმრავლესობის გადალახვის არანაირი გზა არ არსებობს. გუშინ, კომიტეტის მესამე მოსმენაზე კანონპროექტი ერთ წუთსა და შვიდ წამში იქნა დამტკიცებული - ეს არის იმის ჩვენების გზა, თუ რამდენად მონოლითური და რამდენად ერთიანია ეს ერთპარტიული მმართველობა. მაგრამ, გვაქვს არჩევნები, გვყავს ცოცხალი სამოქალაქო საზოგადოება, გვყავს არასამთავრობო ორგანიზაციები, რომლებიც ჯერ არ არიან დახურულები ან რეპრესირებულები, გვყავს პარტნიორები, რომლებიც ძალიან ჩანან და ვხედავთ, რომ დღეს ბატონი ო’ბრაიენია თბილისში… რამდენიმე ევროპული ქვეყნის საგარეო საქმეთა კომიტეტების თავმჯდომარეები არიან, ხვალ დილით ბალტიის ოთხი ქვეყნისა და ისლანდიის საგარეო საქმეთა მინისტრები იქნებიან, და ა.შ. ასე რომ, მარტონი არ ვართ, მხარს გვიჭერენ და ბოლომდე მივალთ”, - განაცხადა ზურაბიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024