პარლამენტთან მიმდინარე აქციის მონაწილეთა ნაწილმა გმირთა მოედანზე გადაინაცვლა, ნაწილი კი კვლავ რუსთაველის გამზირზე რჩება.
“ნაწილი დარჩება აქ და შემდეგ ლოკაციას გამოგიცხადებთ”, - მიმართა აქციის მონაწილეებს მწერალმა ლაშა ბუღაძემ.
ამასთან, როგორც ერთ-ერთმა აქტივისტმა მოქალაქეებს მიმართა, ამ წუთებში, გმირთა მოედანზე მყოფ მშვიდობიან დემონსტრანტებს პოლიცია აკავებს, ამიტომ სურვილის მიხედვით, აღნიშნულ ლოკაციაზე წასვლისკენ მოუწოდა.
რუსთაველის გამზირზე გზა გადაკეტილია.