პრემიერი - სახიფათო ხალხთან გვაქვს საქმე „გლობალური ომის პარტიის“ სახით -  ო’ბრაიენს გავუზიარე ჩვენს ხელთ არსებული ინფორმაციის დაახლოებით, 30%

დახურულ შეხვედრაზეც რთულია ამ თემაზე [„გლობალური ომის პარტიაზე“] საუბარი, გამომდინარე იქიდან, რომ საქმე ეხება ძალიან უხერხულ და სახიფათო საკითხს - ო’ბრაიენს გავუზიარე ჩვენს ხელთ არსებული ინფორმაციის დაახლოებით 30%, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა, როდესაც უპასუხა კითხვას ესაუბრა თუ არა ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენს „გლობალური ომის პარტიის“ საკითხზე.

როგორც კობახიძემ თქვა, აღნიშნულ საკითხთან დაკავშირებით „ო’ბრაიენთან ფართოდ გაშლილი მინიშნებები ჰქონდა“.

„ამ თემაზე გახსნილად ვერ ვსაუბრობთ. თქვენ თუ გიზიარებთ ინფორმაციის დაახლოებით, 20%-ს, ბატონ ო’ბრაიენს გავუზიარე ჩვენსა ხელთ არსებული ინფორმაციის დაახლოებით, 30%. დახურულ შეხვედრებზეც რთულია ამ თემებზე საუბარი, მაგრამ მინიშნებები გვქონდა. ო’ბრაიენთან გვქონდა ფართოდ გაშლილი მინიშნებები, დახურულ შეხვედრაზეც კი რთულია ამ თემაზე საუბარი, გამომდინარე იქიდან, რომ საქმე ეხება ძალიან უხერხულ და სახიფათო საკითხს. სახიფათო ხალხთან გვაქვს საქმე „გლობალური ომის პარტიის“ სახით“, - განაცხადა ირაკლი კობახიძემ.

მისივე თქმით, ო’ბრაიენს გაუზიარა საქართველოში ბოლო წლებში მიმდინარე პროცესებზე საკუთარი წუხილი და განსაკუთრებით ისაუბრეს „ნეგატიურ პროცესებში გაუმჭვირვალების როლზე“.

„ყველა თემაზე მქონდა საუბარი ბატონ ო’ბრაიენთან. იყო ძალიან გულწრფელი, გახსნილი საუბარი, 2.5 საათი. აბსოლუტურად ყველა წუხილი გავუზიარე იმ პროცესებთან დაკავშირებით, რაც ჩვენს ქვეყანაში განვითარდა, განსაკუთრებით ბოლო 3 წლის განმავლობაში. განსაკუთრებულად შევეხეთ გაუმჭვირვალების როლს ამ ნეგატიურ პროცესებში, რაც განვითარდა ჩვენს ქვეყანაში რამდენიმე წლის განმავლობაში. გამოვთქვი იმედი, რომ თვისებრივად შეიცვლება ეს ყველაფერი მომავალში. ყველაფერი არსებითად დამოკიდებულია სწორედ ჩვენს პარტნიორებზე, ჩვენზე - ნაკლებად. ჩვენ მცირე ქვეყანა ვართ. ჩვენს პარტნიორებზეა დამოკიდებული, რამდენად გაძლიერდება ურთიერთობები ორ მხარეს შორის, იქნება ეს საქართველო-ამერიკის შეერთებული შტატები, თუ საქართველო-ევროკავშირი. მთავარია მივიღოთ ღირსეული, სამართლიანი დამოკიდებულება ჩვენი პარტნიორების მხრიდან“,- განაცხადა ირაკლი კობახიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი