ბათუმში “უცხოური გავლენის გამჭვირვალობის შესახებ” კანონპროექტის წინააღმდეგ საპროტესტო აქცია ევროპის მოედანზე დასრულდა.

სტუდენტებმა საპროტესტო აქცია ბათუმის უნივერსიტეტის შენობიდან დაიწყეს და ქუჩებში მსვლელობა მოაწყვეს შეძახილებით - “არა რუსულ კანონს”.

აქციის მონაწილეებმა საბაგიროსთან, ქალაქში მთავარი შესასვლელი გადაკეტეს და ჰიმნი შეასრულეს, შემდეგ აჭარის მთავრობის სახლთან მივიდნენ, სადაც ხელისუფლებას მიმართეს რომ წარმოდგენილი კანონპროექტი უკან გაიწვიოს, წინააღმდეგ შემთხვევაში პროტესტი არ შეწყდება.

აქციის მონაწილეების განცხადებით, სოლიდარობას უცხადებენ თბილისში აქციის მონაწილეებს და ამბობენ, რომ საპროტესტო აქციები ბათუმში ხვალაც გაიმართება.