ვლადიმერ პუტინი - რუსეთი უკრაინის კრიზისის მოგვარების მიმართ  ჩინეთის მიდგომებს დადებითად აფასებს

მოსკოვი უკრაინის კონფლიქტის მშვიდობიანი მოგვარებისთვის პეკინის მიერ შემოთავაზებულ ნაბიჯებს რეალისტურ და კონსტრუქციულ ნაბიჯებად მიიჩნევს, მაგრამ ამ ინიციატივებს კიევი და დასავლეთი მხარს არ უჭერს,- ამის შესახებ რუსეთის პრეზიდენტმა, ვლადიმერ პუტინმა სააგენტო Xinhua-სთვის მიცემულ ინტერვიუში განაცხადა.

”ჩვენ დადებითად ვაფასებთ ჩინეთის მიდგომებს უკრაინის კრიზისის მოგვარების კუთხით, პეკინმა კარგად იცის მისი ძირითადი მიზეზები და გლობალური გეოპოლიტიკური მნიშვნელობა”, - განაცხადა პუტინმა და დასძინა, რომ ეს აისახა უკრაინის კრიზისის პოლიტიკური მოგვარების შესახებ ჩინეთის გეგმაში, რომელიც 2023 წლის თებერვალში გამოქვეყნდა.

„დოკუმენტში ჩაწერილი იდეები და წინადადებები მიუთითებს ჩვენი ჩინელი მეგობრების გულწრფელ სურვილზე, ხელი შეუწყონ სიტუაციის სტაბილიზაციას“, - აღნიშნა რუსეთის ლიდერმა.

მისი თქმით, ამ გეგმას ორგანულად ავსებს კონფლიქტის მოგვარების დამატებითი ოთხი პრინციპი, რომელიც ახლახან გამოთქვა ჩინეთის სახალხო რესპუბლიკის პრეზიდენტმა, სი ძინპინმა.

„პეკინის მიერ შემოთავაზებული რეალისტური და კონსტრუქციული ნაბიჯები შეიძლება გამოყენებულ იქნას როგორც პოლიტიკური და დიპლომატიური პროცესის საფუძველი, რომელიც ითვალისწინებს უსაფრთხოების სფეროში რუსეთის შეშფოთებას და ხელი შეუწყოს გრძელვადიანი და მდგრადი მშვიდობის დამყარებას“, - აღნიშნა პუტინმა.

მისი თქმით, ამ ინიციატივებს, სამწუხაროდ, მხარს არ უჭერენ არც უკრაინა და არც მისი დასავლელი პარტნიორები.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი