გიორგი ვაშაძე - ვეტოზე თუ იქნება განხილვა, რა თქმა უნდა, მონაწილეობას მივიღებთ, მაგრამ სხვა არცერთი საკითხი არ არსებობს საქართველოს დღის წესრიგში, იმიტომ, რომ ეს კანონი პირდაპირ ეწინააღმდეგება ევროინტეგრაციის გზას

ვეტოზე თუ იქნება განხილვა, რა თქმა უნდა, მონაწილეობას მივიღებთ, მაგრამ სხვა არცერთი საკითხი არ არსებობს საქართველოს დღის წესრიგში, იმიტომ, რომ [„უცხოური გავლენის გამჭვირვალობის შესახებ“ კანონი] პირდაპირ ეწინააღმდეგება ევროინტეგრაციის გზას, - ამის შესახებ „სტრატეგია აღმაშენებლის“ ლიდერმა, დეპუტატმა, გიორგი ვაშაძემ ჟურნალისტებთან ბოიკოტის რეჟიმზე საუბრისას განაცხადა.

ვაშაძის თქმით, სადაც „რუსული კანონის“ თემა იქნება, იქ თავიანთ პოზიციას აუცილებლად დააფიქსირებენ.

„პირველი ის, რომ არ არსებობს სხვა თემა, გარდა „რუსული კანონისა“ ამ ქვეყანაში, იმიტომ რომ გუშინდელი ხმის მიცემით სრულიად კონსტიტუციის მიღმა დააყენა თავისი თავი „ქართულმა ოცნებამ“. აქედან გამომდინარე ვეტოზე თუ იქნება განხილვა, რა თქმა უნდა, მონაწილეობას მივიღებთ, მაგრამ სხვა არცერთი საკითხი არ არსებობს საქართველოს დღის წესრიგში, იმიტომ, რომ [„უცხოური გავლენის გამჭვირვალობის შესახებ“ კანონი] პირდაპირ ეწინააღმდეგება ევროინტეგრაციის გზას.

ვეტოსთან დაკავშირებით, გვექნება კონსულტაციები. სადაც არის „რუსული კანონის“ თემა, იქ ჩვენ პოზიციას აუცილებლად დავაფიქსირებთ. სხვა არცერთი საკითხი ამ ქვეყანაში არ არსებობს, იმიტომ, რომ ყველა სხვა კანონი რეჟიმის განმტკიცების კანონია“, - აღნიშნა ვაშაძემ.

ინფორმაციისთვის, პარლამენტის მუშაობას პოლიტიკური ბოიკოტი „სტრატეგია აღმაშენებელმა“ გუშინ გამოუცხადა.

ამასთან, საპარლამენტო ბოიკოტის რეჟიმში გადასვლის თაობაზე განცხადება გააკეთა ფრაქცია „ნაციონალურმა მოძრაობამ“, „ლელომ“, ასევე პოლიტიკურმა პარტიამ „მოქალაქეები“.

საპარლამენტო ოპოზიციის ეს გადაწყვეტილება “უცხოური გავლენის გამჭვირვალობის შესახებ“ კანონის პროექტის დამტკიცებას უკავშირდება.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი