თინა ბოკუჩავა - ჯიმ ო’ბრაიენმა ღიად თქვა, რომ თუ გაგრძელდება ადამიანის უფლებათა მასობრივი დარღვევა, აშშ ფინანსურ და სამოგზაურო სანქციებს გამოიყენებს, რომელიც დეპუტატებს და იმ მოძალადეებს შეეხება, რომლებიც აორგანიზებენ ძალადობრივ ჯგუფებს

ჯიმ ო’ბრაიენმა არა მხოლოდ მიანიშნა, არამედ ღიად თქვა, რომ თუ გაგრძელდება ადამიანის უფლებათა მასობრივი დარღვევა, აშშ ფინანსურ და სამოგზაურო სანქციებს გამოიყენებს, რომელიც დეპუტატებს და იმ მოძალადეებს შეეხება, რომლებიც აორგანიზებენ ძალადობრივ ჯგუფებს და თავს ესხმიან ახალგაზრდებს, - ამის შესახებ ჟურნალისტებს ფრაქცია “ერთიანი ნაციონალური მოძრაობის“ თავმჯდომარემ თინა ბოკუჩავამ განუცხადა.

ბოკუჩავას თქმით, ბიძინა ივანიშვილი საკუთარი მოქალაქეების წინააღმდეგ ტერორს ახორციელებს.

“ჯიმ ო’ბრაიენმა კონკრეტულად ახსენა, რომ ეს იქნება ფინანსური და სამოგზაურო სანქციები, რაც გულისხმობს სამოგზაურო შეზღუდვებს ანუ ვიზების შეზღუდვებს, ასევე ფინანსურ სანქციებს. ეს სავარაუდოდ შეეხება დეპუტატებს, მაგრამ ასევე იმ მოძალადეებს, რომლებიც ძალადობრივ ჯგუფებს აორგანიზებენ, თავს ესხმიან ახალგაზრდებს.

გუშინ გამორჩეული აქტივისტის, დავით ქაცარავას შემზარავი, უსასტიკესი ცემა ვნახეთ. ამგვარი მიზანმიმართული საზოგადოების დატერორება და დაშინების მცდელობა იქონიებს მხოლოდ და მხოლოდ უკუეფექტს, კიდევ უფრო მეტი კონსოლიდაციით და ერთობით შევალთ იმ საბოლოო ბრძოლაში, რომელიც ქართველი ხალხისთვის მოიტანს გამარჯვებას“, - განაცხადა თინა ბოკუჩავამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი