საქართველოს პრეზიდენტი სალომე ზურაბიშვილი ლატვიის პრეზიდენტს, ედგარს რინკევიჩს საქართველოს ევროპული მისწრაფებებისა და ქართველი ხალხის მიმართ ურყევი მხარდაჭერისთვის მადლობას უხდის.

ამის შესახებ განცხადება პრეზიდენტმა ზურაბიშვილმა სოციალურ ქსელში ლატვიის პრეზიდენტთან სატელეფონო საუბრის შემდეგ გაავრცელა.

„ბატონო პრეზიდენტო, მადლობას გიხდით საქართველოს ევროპული მისწრაფებებისა და ქართველი ხალხის მიმართ ლატვიის ურყევი მხარდაჭერისთვის.

გმადლობთ, რომ საქართველოსათვის ამ გადამწყვეტ მომენტში გამართულ ვიზიტში, ლატვიის საგარეო საქმეთა მინისტრმა აქტიური მონაწილეობა მიიღო“,- განაცხადა სალომე ზურაბიშვილმა.