ბათუმში ის სკოლის მოსწავლეები „უცხოური გავლენის გამჭვირვალობის შესახებ“ კანონპროექტის საპროტესტო აქციას მართავენ და აცხადებენ, რომ მიღებული პროექტი მათ ევროპულ განათლებასთან აშორებს

ბათუმის ცენტრალურ პარკში სხვადასხვა სკოლის მოსწავლეები „უცხოური გავლენის გამჭვირვალობის შესახებ” კანონპროექტის წინააღმდეგ საპროტესტო აქციას მართავენ.

მათი განცხადებით, სკოლის მოსწავლეები სტუდენტებს უერთდებიან და ხელისუფლების გადაწყვეტილებას აპროტესტებენ.

სკოლის მოსწავლეების თქმით, ევროკავშირთან დაშორება, მათ დასავლურ განათლებასთან აშორებთ.

აქციის მონაწილეები სოლიდარობას უცხადებენ, თბილისში, რუსთაველზე შეკრებილ მოქალაქეებს და მათზე განხორციელებულ ძალადობას გმობენ.

“ჩვენს გადაწყვეტილებას მასწავლებელთა ნაწილი არ ეთანხმება, მაგრამ ჩვენ მაინც გამოვედით და ვაპროტესტებთ წარმოდგენილ კანონპროექტს. ეს გვაშორებს დასავლურ განათლებასთან”, - ამბობენ სკოლის მოსწავლეები.

ამის შემდეგ მოსწავლეებმა აქცია- მსვლელობა მოაწყვეს. აქციის მონაწილეები აჭარის უმაღლეს საბჭოს შენობასთან მივიდნენ, შემდეგ კი პირველ საჯარო სკოლასთან გადაინაცვლეს, რომელიც ილია ჭავჭავაძის სახელობის არის. აქციის მონაწილეების თქმით, სიმბოლურია ამ სკოლასთან მისვლა, რადგან საქართველოს ახალგაზრდები ილია ჭავჭავაძის გზას აგრძელებენ.

სკოლის მოსწავლეები ამბობენ, რომ საღამოს 19:00 საათზე სტუდენტების ორგანიზებულ საპროტესტო აქციას შეუერთდებიან.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი