გიორგი ვაშაძე - ძალიან მკაფიოა საგარეო საქმეთა მინისტრებისთვის, რომ ამ კანონს რაიმე შინაარსობრივი ცვლილება ვერ გააკეთილშობილებს - ისინი ამბობენ, რომ დიახ, მათი მხრიდან კონკრეტული ნაბიჯები იქნება

ძალიან მკაფიოა საგარეო საქმეთა მინისტრებისთვის, რომ ამ კანონს რაიმე შინაარსობრივი ცვლილება ვერ გააკეთილშობილებს - ისინი ამბობენ, რომ დიახ, კონკრეტული ნაბიჯები იქნება მათი მხრიდან, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ლატვიის, ესტონეთის, ისლანდიისა და ლიეტუვის საგარეო საქმეთა მინისტრებთან გამართული შეხვედრის შემდეგ განაცხადა.

მისივე თქმით, ევროპელი კოლეგები ძალიან მკაფიოდ ხედავენ, რომ „ყველა ეს დეზინფორმაციული კამპანია, რაც არის აწყობილი „ქართული ოცნების“ მხრიდან, ევროპული ღირებულებების და ფასეულობების წინააღმდეგ არის მიმართული“.

„ძალიან მკაფიოა საგარეო საქმეთა მინისტრებისთვის, რომ ამ კანონს რაიმე შინაარსობრივი ცვლილება ვერ გააკეთილშობილებს. ეს კანონი ფუნდამენტურად შეუსაბამოა ევროკავშირის მისწრაფებებთან. მეორე - ძალიან მკაფიოდ ხედავენ, რომ ყველა ეს დეზინფორმაციული კამპანია, რაც არის აწყობილი „ქართული ოცნების“ მხრიდან, ევროპული ღირებულებების და ფასეულობების წინააღმდეგ არის [მიმართული]. ეს არ არის მხოლოდ კანონის საკითხი, ეს არის საკითხი ევროკავშირისკენ მიდის საქართველო თუ რუსეთისკენ. ძალიან მკაფიოა მათი წარმოდგენა იმ რეალობაზე, რაც დღეს საქართველოში ხდება. ამასთან ერთად, ისინი ამბობენ, რომ დიახ, კონკრეტული ნაბიჯები იქნება მათი მხრიდან. მათი მხრიდან იყო საუბარი უვიზო მიმოსვლის საკითხთან დაკავშირებით. ჩვენ მაინც შევეცადეთ გვეთქვა, რომ უფრო ინდივიდუალური სანქციების მიმართულებით წავიდნენ და არა ხალხის პრობლემებისკენ,“ - განაცხადა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024