ქუთაისში „უცხოური გავლენის გამჭვირვალობის შესახებ“ კანონპროექტის წინააღმდეგ პროტესტი გრძელდება.

ამ წუთებში ახალგაზრდების საპროტესტო აქცია ქალაქის მერიასთან მიმდინარეობს.

აქციის მონაწილეები პარლამენტის მიერ მიღებულ კანონს აპროტესტებენ და მის გაწვევას მოითხოვენ. ისინი აცხადებენ, რომ არ გაჩერდებიან, ვიდრე მათი მოთხოვნა არ შესრულდება.

აქციის მონაწილეების თქმით, მათი არჩევანია ევროპა, ევროპული ღირებულებები და არ დათმობენ ამ არჩევანს.

პარალელურად, გაფიცვა გრძელდება ქუთაისის უნივერსიტეტში. სტუდენტები ლექციებზე დასწრებას და აუდიტორიებში შესვლაზე უარს აცხადებენ.