„ქართული ოცნების“ გენერალური მდივანი, თბილისის მერი, კახა კალაძე სლოვაკეთის პრემიერ-მინისტრზე განხორციელებულ თავდასხმას ეხმაურება.

როგორც კალაძე სოციალურ ქსელში წერს, ის მომხდარით შეძრწუნებულია.

„შეძრწუნებული ვარ სლოვაკეთის პრემიერ-მინისტრზე განხორციელებული თავდასხმის გამო. რობერტ ფიცოს მალე გამოჯანმრთელებას ვუსურვებ, სლოვაკ ხალხს კი მშვიდობას!“, - წერს კალაძე.

შეგახსენებთ, სლოვაკეთის პრემიერ-მინისტრს რობერტ ფიცოს დღეს ესროლეს. სლოკვაკეთის პრემიერის ადმინისტრაციის ინფორმაციით, მისი მდგომარეობა სიცოცხლისთვის საფრთხისშემცველია.