გაბრიელიუს ლანდსბერგისი - თუ საქართველოს სურს ევროპულ გზაზე დარჩენა - არ შეგიძლია ცალი ფეხი მოსკოვში გქონდეს

თუ საქართველოს სურს ევროპულ გზაზე დარჩენა, არ შეგიძლია ცალი ფეხი მოსკოვში გქონდეს , - ამის შესახებ ლიეტუვის საგარეო საქმეთა მინისტრმა გაბრიელიუს ლანდსბერგისმა თბილისში გამართულ პრესკონფერენციაზე განაცხადა.

მან „უცხოური გავლენის გამჭვირვალობის შესახებ“ კანონპროექტზე საუბრისას აღნიშნა, რომ იმის გამოსწორება, რაც გატეხილია, შეუძლებელია.

“ვფიქრობ, მნიშვნელოვანია იმაზე საუბარი, თუ რატომ არის კანონი საჭირო. ეს ვახსენე ჩემი პირველი გამოსვლის დროს. თუ გეგმავ გქონდეს კანონი, რომელიც მიდის არასამთავრობო ორგანიზაციების წინააღმდეგ, რომლებიც შენს წინააღმდეგ გამოდიან, არ მოგწონს რას საუბრობენ ისინი, ისე შეგიძლია მისი [კანონის] შეცვლა, როგორც მოისურვებ. თუ მთავარი მიზანი მიღწეულია - ეს არადემოკრატიული კანონია.

და ეს პირველ პრესკონფერენციაზე ვთქვი - არ შეგიძლია იმის გამოსწორება, რაც ფუნდამენტურად გატეხილია. პრინციპია გატეხილი. განსხვავებულ პრინციპზე თუ ვსაუბრობთ, ჩვენ ყველას გვაქვს ჩვენს ქვეყნებში კანონები, რომლებიც ეხება გადასახადებს, უცხოური ქვეყნებიდან გადმორიცხვებს, მაგრამ არც ერთ ჩვენს ქვეყანას არ აქვს კანონი, რომელიც იმის წინააღმდეგ წავა, ვინც შენს წინააღმდეგ გამოდის…

კიდევ ერთხელ, შეუძლებელია გქონდეს კონსენსუსი თუ ერთ მხარეს სურს ჰქონდეს დემოკრატიული საქართველო და მეორე მხარეს რაღაც განსხვავებული სურს. კომპრომისი უბრალოდ ვერ მოხდება. ამიტომ ვამბობთ, რომ თუ საქართველოს სურს ევროპულ გზაზე დარჩენა - არ შეგიძლია ცალი ფეხი მოსკოვში გქონდეს, ასე არ მუშაობს”, - განაცხადა ლანდსბერგისმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში