ევროპარლამენტში “მწვანეთა პარტიის” საპარლამენტო მრჩეველი - დადასტურებულია საკმარისად სანდო წყაროებისგან, რომ ევროკავშირის საბჭოს განცხადება სლოვაკეთისა და უნგრეთის ლიდერებმა დაბლოკეს

ევროპარლამენტში “მწვანეთა პარტიის” საპარლამენტო მრჩეველი თამარ გაგულაშვილი ადასტურებს გავრცელებულ ინფორმაციას, რომ ევროკავშირის წევრი ქვეყნები საქართველოსთან მიმართებაში ერთობლივი მწვავე განცხადების გასაკეთებლად ემზადებოდნენ, თუმცა ეს განცხადება ორმა ქვეყანამ - სლოვაკეთმა და უნგრეთმა დაბლოკა.

ამის შესახებ თამარ გაგულაშვილმა განცხადება “პალიტრანიუსის” გადაცემა “360 გრადუსში” გააკეთა.

“დიახ, ეს დადასტურებულია საკმარისად სანდო წყაროებისგან, რომ ევროკავშირის საბჭოს წერილობითი განცხადება იყო დაბლოკილი ამ ორი ქვეყნის ლიდერის მიერ. ამის გამო მოხდა, რომ დღევანდელი განცხადება გაკეთდა ევროკომისიის სახელით.

ბორელი არის ევროკომისიის ვიცე-პრეზიდენტი და ევროკავშირის უმაღლესი წარმომადგენელი, ასევე, არის ევროპის საბჭოს 25 ქვეყნის საგარეო საქმეთა მინისტრების კოორდინატორი, მათ კრებებს ბორელი თავმჯდომარეობს. რადგან ბორელმა ვერ მიაღწია, რომ ჰქონოდა 25 მთავრობის თანხმობა, ამიტომ გაკეთდა ეს განცხადება ევროკომისიის სახელით.

რა თქმა უნდა, ორბანი და ფიცო წინააღმდეგები იყვნენ. იცით, რომ ორბანმა მსგავსი კანონი შეიმუშავა და იძულებული გახდა უკან გაეწვია, ფიცომ ეს ახლა გააკეთა. არ არის გასაკვირი, რომ ეს ორი ლიდერი ასეთი მიდგომით იყვნენ. ამის გამო მოხდა, რომ ეს ტექსტი დღეს ვიხილეთ ბორელის დღევანდელი განცხადების სახით. ზუსტად რა განსხვავებაა არ ვიცი ტექსტებს შორის. ის მონახაზი, არ გავრცელებულა. როგორც ვიცი, დაახლოებით იმას იზიარებდა, რაც ევროპარლამენტის რეზოლუციაში იყო გამოხატული. დღევანდელ განცხადებაშიც არის ფაქტობრივად. ევროკავშირი ამბობს, რომ ეს კანონი ეწინააღმდეგება ევროკავშირის ფუნდამენტურ ღირებულებებს, საქართველოს უკან სვლას განაპირობებს, თუ ეს კანონი მოქმედებაში წავიდა ევროკავშირს ექნება ნეგატიურად რეაგირების ვალდებულება. ეს ნეგატიური რეაგირებები იყო ჩამოთვლილი ევროპარლამენტარების წერილებშიც. ეს არის ვიზალიბერალიზაცია, ევროკავშირის დახმარების შეწყვეტა, პირველი ნაბიჯი იქნება დღევანდელი ურთიერთობების გაყინვა”, - აღნიშნა გაგულაშვილმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში