ჟან-ნოელ ბარო - საფრანგეთი წუხს „უცხოური აგენტების შესახებ“ კანონპროექტის მიღების გამო, რომელიც არასამთავრობოებისა და მედიის დისკრედიტაციას ახდენს - მინდა ვუთხრა ქართველ ხალხს, რომ საფრანგეთს და ევროპას ესმის მისი

საფრანგეთი წუხს „უცხოური აგენტების შესახებ“ კანონპროექტის მიღების გამო, რომელიც ახდენს არასამთავრობო ორგანიზაციებისა და დამოუკიდებელი მედიის დისკრედიტაციას, - ამის შესახებ საფრანგეთის ევროპულ საქმეთა მინისტრმა, ჟან-ნოელ ბარომ პარლამენტში სიტყვით გამოსვლისას განაცხადა.

მისი თქმით, საფრანგეთი მოუწოდებს საქართველოს ხელისუფლებას, აღასრულოს მშვიდობიანი დემონსტრაციის უფლება და მედიის თავისუფლება.

გარდა ამისა, საფრანგეთის ევროპულ საქმეთა მინისტრმა საქართველოს ევროკავშირისკენ მიმავალ გზაზე მხარდაჭერა გამოუცხადა.

„გუშინ საღამოს, ისევე როგორც რამდენიმე კვირის განმავლობაში, ქართველი ხალხი ფეხზე დადგა თავისუფლებისა და დემოკრატიის დასაცავად, მამაცურად დაუდგა ძალადობასა და პოლიციას, ევროპის დროშით ხელში, „სიხარულის ოდის“ სიმღერით… ვერ წავუყრუებთ ამ სიმღერას ხალხისა, რომელიც ოცნებობს ისეთ დემოკრატიაზე, როგორსაც ჩვენ ვიცნობთ და რომელშიც ცხოვრობთ ევროპაში. რადგან იმ დროს, როცა ევროპას ასე ძალიან აკრიტიკებენ პოპულისტები და ნაციონალისტები, ეს სიმღერა, რომელიც გაისმის საქართველოში, გვახსენებს, რომ ევროპა არის თავისუფლება, რომ ევროპა არის დემოკრატია და რომ ევროპა არის იმედი ამდენი ხალხისთვის მსოფლიოში. მინდა ვუთხრა ქართველ ხალხს, რომ საფრანგეთს ესმის მისი, რომ ევროპას ესმის მისი და რომ ის განასახიერებს ხალხის სურვილს, რომ იცხოვროს თავისუფლად.

საფრანგეთი წუხს „უცხოური აგენტების შესახებ“ კანონპროექტის მიღების გამო, რომელიც ახდენს არასამთავრობო ორგანიზაციებისა და დამოუკიდებელი მედიის დისკრედიტაციას, საფრანგეთი გმობს ძალადობას დემონსტრაციების წინააღმდეგ და მოუწოდებს საქართველოს ხელისუფლებას, აღასრულოს მშვიდობიანი დემონსტრაციის უფლება და მედიის თავისუფლება. საფრანგეთი დგას საქართველოს გვერდით ევროკავშირისკენ მიმავალ გზაზე, ერთადერთზე, რომლისკენაც მისი ხალხი მიისწრაფვის, რადგან, არაფერია იმაზე ძლიერი, ვიდრე იდეა, რომლის დროც მოვიდა",-განაცხადა ჟან-ნოელ ბარომ.

ინფორმაციას საქართველოში საფრანგეთის საელჩო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024