ნიკოლოზ სამხარაძე - საქართველო ღიაა დისკუსიისთვის ევროპელ პარტნიორებთან და ასევე მზადაა იმ შემოთავაზებებისთვის, რომლებსაც  ევროპელი პარტნიორები გვთავაზობენ, რაც ამ კანონს შესაბამისობაში მოიყვანს ევროპულ დირექტივებთან

ამ კანონებს შორის არანაირი მსგავსება არ არის. პირიქით, რუსულ კანონს აქვს მკაცრი წესები, რომელიც ინდივიდუალურ პირებს კრიმინალურ ბრალდებებს უწესებს და ხურავს და აუქმებს არასამთავრობო ორგანიზაციებს, უკრძალავს ადამიანებს არჩევნებში მონაწილეობის უფლებას და ეს არის რუსული კანონი. მე ახლა აღვწერ რუსულ კანონს. ქართულ კანონს მხოლოდ ერთი მოთხოვნა აქვს იმ არასამთავრობო ორგანიზაციებთან, რომლებიც ფინანსდებიან საზღვარგარეთიდან, რომ მათ, წელიწადში ერთხელ, მოახდინონ მიღებული და დახარჯული თანხების დეკლარირება. სულ ეს არის. მეტი სხვა მოთხოვნა არ არსებობს, - ასე უპასუხა ჟურნალისტის შეკითხვას „უცხოური გავლენის გამჭვირვალობის კანონთან“ დაკავშირებით საქართველოს პარლამენტის საგარეო საქმეთა კომიტეტის თავმჯდომარემ, ნიკოლოზ სამხარაძემ „ბი ბი სი“ - სთვის მიცემულ ინტერვიუში.

სამხარაძის თქმით, საქართველო ღიაა დისკუსიისთვის ევროპელ პარტნიორებთან და ასევე მზადაა იმ შემოთავაზებებისთვის, რომლებსაც ევროპელი პარტნიორები გვთავაზობენ, რაც ამ კანონს შესაბამისობაში მოიყვანს ევროპულ დირექტივებთან. მანვე აღნიშნა, რომ არასამთავრობო ორგანიზაციებისგან გამჭვირვალობას, არანაირი საერთო არ აქვს საქართველოს საგარეო პოლიტიკის ცვლილებასთან.

„რა თქმა უნდა, ჩვენ ძალიან ვწუხვართ და ძალიან გვაშფოთებს ის, რომ რუსეთი უკრაინას თავს დაესხა. რა თქმა უნდა, ჩვენ ვგმობთ ამ თავდასხმას და ფაქტობრივად ჩვენ ვიყავით მონაწილე მხარე სახელმწიფოთა იმ ჯგუფისა, რომელმაც მიმართა საერთაშორისო კრიმინალურ სასამართლოს, რომ ამ უკანასკნელმა გამოიძიოს კაცობრიობის წინააღმდეგ განხორციელებული ის დანაშაულები, რომლებიც რუსეთმა უკრაინაში ჩაიდინა, მაგრამ, იმავდროულად, ჩვენ ვფიქრობთ, რომ იმას, რომ ჩვენ მოვითხოვთ არასამთავრობო ორგანიზაციებისგან გამჭვირვალობას, არანაირი საერთო არ აქვს საქართველოს საგარეო პოლიტიკის ცვლილებასთან. ეს არაფერ კავშირშია საგარეო პოლიტიკასთან. ეს ეხება იმას, რომ ჩვენ გვქონდეს სრული სურათი და სრული ინფორმაცია ჩვენი საზოგადოებისათვის, თუ როგორ არიან არასამთავრობო ორგანიზაციები დაფინანსებულნი, თუ საიდან ფინანსდებიან ისინი. შეიძლება ისინი რუსეთიდან ფინანსდებიან, შეიძლება ისინი სხვა ქვეყნებიდან ფინანსდებიან, მაგრამ ჩვენ უნდა ვიცოდეთ, თუ საიდან ფინანსდებიან ისინი“, - აღნიშნა ნიკოლოზ სამხარაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)