ესტონეთის საგარეო საქმეთა მინისტრი, მარგუს ცაჰკნა აცხადებს, რომ ქართველი ხალხის ადგილი ევროკავშირშია და რომ საქართველოს მხარდაჭერას გააგრძელებენ.

„გუშინდელ გამოსვლაში ქართველ ხალხს დავპირდი, რომ ისინი მარტო არ არიან, მათ ვხედავთ და მათი სამართლიანი ადგილი ევროკავშირშია. ვაგრძელებთ საქართველოს მხარდაჭერას!“- წერს მარგუს ცაჰკნა სოციალურ ქსელში, სადაც საპროტესტო აქციის ფოტოებს ავრცელებს.

შეგახსენებთ, გუშინ, საქართველოში ვიზიტით მყოფი ესტონეთის, ლიეტუვისა და ისლანდიის საგარეო საქმეთა მინისტრები „უცხოური გავლენის გამჭვირვალობის შესახებ“ კანონპროექტის საწინააღმდეგო აქციაზე მივიდნენ.