ნიკოლ ფაშინიანის განცხადებით, აზერბაიჯანთან საზღვრის დელიმიტაციის შესახებ მიღწეული შეთანხმება დიდი წარმატებაა

სომხეთისა და აზერბაიჯანის საზღვრის დემარკაციის კომისიებმა, 19 აპრილს მიღებული ოქმის შესაბამისად, სოფლებში: ბაგანისში-ბაგანის-აირუმში, ვოსკეპარში - აშაგი-ასკიპარაში, კირანცში- ხეირიმლში, ბერკაბერს-კიზილ ჰაჯილში საზღვრის გარკვეულ მონაკვეთებზე შეთანხმებას მიაღწიეს, -ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

„მათ ხელი მოაწერეს ამ სასაზღვრო ტერიტორიების აღწერა-ოქმებს. მინდა ვთქვა, რომ ეს დიდ წარმატებად მიმაჩნია ორი მიზეზის გამო - ჯერ ერთი, ძალიან მნიშვნელოვანი საძირკველი ჩაეყარა ჩვენი სუვერენიტეტისა და დამოუკიდებლობის შემდგომ განვითარებას და განმტკიცებას და მეორეც, ჩვენმა რესპუბლიკამ დამოუკიდებლობის მოპოვების შემდეგ პირველად მიიღო ოფიციალურად დელიმიტირებული საზღვარი, რაც ამ ფაქტით მნიშვნელოვნად გაზრდის უსაფრთხოებისა და სტაბილურობის დონეს არა მხოლოდ ამ სოფლებში, არამედ მთელ სომხეთ-აზერბაიჯანის საზღვრის გასწვრივ“, - აღნიშნა ფაშინიანმა.

მისი განმარტებით, აღინიშნა, რომ დელიმიტაცია განხორციელდა 1976 წლის რუკების საფუძველზე, რომლებიც გამოიყენება 1979 წლიდან.

„ჩვენთვის მნიშვნელოვანი იყო, რომ სომხეთსა და აზერბაიჯანს შორის საზღვრის დემარკაციის პროცესში ახალი საზღვრის შექმნა არ უნდა მომხდარიყო, არამედ უნდა მომხდარიყო ალმა-ათას დეკლარაციაში ადრე დადასტურებული საზღვრების აღდგენის პროცესი. ჩვენ ვამბობთ, რომ არ უნდა შევქმნათ საზღვარი, არამედ უნდა აღვადგინოთ ის საზღვრები, რომლებიც არსებობდა სსრკ-ს დაშლის დროს და აქვს იურიდიული მნიშვნელობა“, - განაცხადა ნიკოლ ფაშინიანმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი